सार्क मन्त्रिस्तरीय बैठकको तयारी भोलिसम्ममा सम्पन्न गरिने

प्रकाशित मिति : २०७२ फाल्गुण २९ शनिबार
पोखरा। आगामी चैत १ देखि ४ गतेसम्म पोखरामा हुने सार्क पराराष्ट्र मन्त्रिस्तरीय बैठकको तयारीबारे मूल व्यवस्थापन सहयोग समितिले समीक्षा गरेको छ । समितिका संयोजक एवम् क्षेत्रीय प्रशासक शङ्करप्रसाद कोइरालाको अध्यक्षतामा क्षेत्रीय प्रशासन कार्यालयको सभाकक्षमा आज सम्पन्न बैठकले तयारीस्वरुप भइरहेका कामको समीक्षा गर्दै भोलिसम्म बाँकी सम्पूर्ण काम सम्पन्न गर्ने निर्णय गरेको छ ।
 
उपक्षेत्रीय प्रशासक लोकराज रेग्मीका अनुसार बैठकमा विभिन्न विषयगत समितिबाट भइरहेका कामबारे जानकारी गराइएको थियो । बैठकमा नायब शिष्टाचार महापाल राजाराम बर्तौला, मूल व्यवस्थापन सहयोग समिति, क्षेत्रीय सुरक्षा समिति तथा जिल्ला सुरक्षा समिति र विषयगत समितिका पदाधिकारीहरूको सहभागिता थियो ।  

ईआइसिटी नेपाल प्रालिद्धारा संचालित हाम्राकुरा डटकममा प्रकाशित कुनै पनि सामाग्री ईआइसिटी नेपालको पूर्व जानकारी विना हुवहु एवं आंशिक रुपमा समेत कपी गरि प्रकाशन गर्नु दण्डनीय छ। यस किसिमका कार्य गर्ने उपर ईआइसिटी नेपाल कानुनी उपचार खोज्न बाध्य हुने भएकाले सम्बन्धित सवैलाई सचेत हुन जानकारी गराइन्छ।

नयाँ