परदेशीका पीडा गाउने खड्का प्रति परदेशीले प्रकट गरे सम्मान

सरोज दाहाल, प्रकाशित मिति : २०७५ फाल्गुण १४ मंगलबार

काठमाडौं । हामी नेपाली युवा आफ्नो श्रम र पसिना बिक्ने परदेशको शहरमा माइनस ५ डिग्रीको चिसो देखि खाडी मुलुकको ६० डिग्रीसम्मको तातो घाम नभनी काम गरिरहेका छौ । त्यही श्रमको मुल्यबाट हामी हाम्रो घर परिवार मात्र चलाइरहेका छैनौ हामी हाम्रो राज्यलाई पनि सहयोग गरिरहेका छौं । आफुले कमाएको केही रकम राज्यको ढुकुटीमा  जम्मा समेत गरेका छौ । राज्य हामीसंग भरोसा गरेर चलिरहेको छ । समय अनुकुल विभिन्न परिस्थितिमा विदेशमा रहेका नेपाली दाजुभाइ दिदीबहिनीले आफ्नो जन्मभुमी प्रतिको स्नेहका कारण धेर थोर सहयोगी हात बिकास निर्माणमा गरिरहेका छन् ।

जब हामी अत्यन्त सम्मानका साथ बिदेशी बिमानस्थलबाट आफ्नो घर फर्कन्छौ त्यो समय आफ्नो परिवार र आफन्तको लागि केही कोसेली लिएर आउछौ ।  तर आफ्नो बिमानस्थलमा झरेपछि हाम्रो झोला खोली छानी छानी खाली गरिन्छ । अनि रित्तो झोला बोकाइ घर पठाइन्छ । त्यो बेला हामी नेपालीको मन कस्तो हुन्छ सरकार ?

हाम्रो देशको सरकार हाम्रो लागि अभिभावक हो । तर अभिभावक्ले आफ्नो सन्तानको यस्तो हालत बनाउन मिल्छ ?  यसैको सेरोफेरोमा रहेर बिदेशी भुमिमा काम गरि आफ्नो घर फर्कदाको पिडालाइ समेटेर गायक सुर्य खडकाले 'झोला खाली एयरपोटमा गर्देसी ,के लगेर जान्छ घर परदेशी
गरिबको त दिनै फिरेन , ३३ किलो सुन छिर्ने एयरपोटमा छोरी तिमिलाई ल्याएको २ पोका चक्लेट छिरेन' जस्ता मार्मिक शब्द राखेर गीत गाएका छन् ।

खड्काले गाएको सो गीतले ४० लाख युवाको पीडा दर्शाएको छ । गायक सुर्य खडकालाई गीतका लागि धन्यबाद नदिइ रहन सकिन्न । सरकारको ध्यान राज्यकोषमा मात्र होइन, पसिनाको मुल्यमा अनि घर फर्किदा आफ्नो परिवारको लागि ल्याएका परदेशीका सामनको मर्म बुज्ने तर्फ पनि लागोस परदेशी सबैको कामना छ ।

ईआइसिटी नेपाल प्रालिद्धारा संचालित हाम्राकुरा डटकममा प्रकाशित कुनै पनि सामाग्री ईआइसिटी नेपालको पूर्व जानकारी विना हुवहु एवं आंशिक रुपमा समेत कपी गरि प्रकाशन गर्नु दण्डनीय छ। यस किसिमका कार्य गर्ने उपर ईआइसिटी नेपाल कानुनी उपचार खोज्न बाध्य हुने भएकाले सम्बन्धित सवैलाई सचेत हुन जानकारी गराइन्छ।

नयाँ