गद्दाफीसँग कट्रिना र नेहाको तस्विर जसले तताएको थियो सामाजिक सञ्जाल
प्रकाशित २०७५ फागुन २० सोमबार
260
Shares
एजेन्सी । बलिउड अभिनेत्री कट्रिना कैफ र नेहा धूपियाको लीबियाका तानाशाह मुअम्मार गद्दाफीसँग तस्विर खिचिएका थिए । सामाजिक सञ्जालमा सो समय भाइल भएको कट्रिनाको उक्त तस्विर उनको मोडलिङको समयको हो । तस्विरलाई कट्रिनाको साथि मोडल शमिता सिंघाले सेयर गरेकि थिइन् ।
तस्विर करीब १५ वर्ष पुरानो रहेको बताइएको छ । साथै सो समय लीबियामा एक फेशन शोको चलेको थियो । तस्विरमा कट्रिना लगायत अभिनेत्री नेहा धूपिया, अदिति गोवित्रिकर र आंचल कुमार रहेका छन् ।
शमिताले तस्विरमा क्याप्सन समेत दिएकि थिइन् । उनले , ' १५ वर्ष पहिले हामी लीबियामा एक फेशन शोको लागि गएका थियौ र हामलाई गद्दाफीसँग भेट्ने सौभाग्य मिल्यो।' यसका साथै उनले तस्विरलाई ट्याग पनि गरेकि थिइन् ।
सन् २०११ मा गद्दाफीको हत्या भएको थियो । मुअम्मार गद्दाफीले लिबियामा करीब ४२ वर्षसम्म शासन गरेका थिए । उनि अरब देशमा सबैभन्दा लामो समयसम्म शासन गर्ने तानाशाहको रूपमा चिनिन्छन् । गद्दाफीले आफैलाई 'राजाहरुको राजा' घोषित गरेका थिए ।
