एजेन्सी । स्पेनिश लिग ला लिगा फुटबलमा बार्सिलोनाले गेटाफेको पोष्टमा ६ गोल गरेको छ । शनिबार राति भएको खेलमा बार्साले घरेलु मैदानमा गेटाफेलाई फराकिलो अन्तरले हराएको हो । बार्सालाई विजयी गराउन । हुवाँ रोड्रिग्वेजले खेलको ८ औं मिनेटमै गोल गरे । ११औं मिनेतमा पाएको पेनाल्टी सदुपयोग गर्न नसेकको मुख्य फरवार्ड लियोनल मेसीले खेल अवधिभर १ गोल मात्रै गर्न सके ।
उनले ४०औं मिनेटमा गोल गरे । त्यसअघि १९ औं मिनेटमा मुनिर अल हद्दादीले गोल गरे । नेमारले ३२ं र ५१औं मिनेटमा गोल गरे । ५७औं मिनेटमा एर्डा टुरानले एक गोल थप्दै गोल संख्या ६ बनाए । बार्साले गोल वर्षा गर्दा गेटाफे भने निरिह रहयो ।
अन्य खेलमा एथ्लेटिको मड्रिडले डेपोर्टिभो लाकोरुनालाई ३–० ले हरायो । यस्तै, रायो भायकानो र इबारले १–१ को बराबरी खेल्दा सेल्टा भिगोले रियाल सोसिडाडलाई १–० ले स्तब्ध तुल्यायो । बार्सिलोनाको उत्कृष्ठ लयले उपाधि लगभग पक्का जस्तै भइसकेको छ । उसको २९ खेलबाट ७५ अंक भएको छ । दोस्रो स्थानको एथ्लेटिको मड्रिडको ६७ अंक छ । तेस्रो स्थानको रियाल मड्रिडको ६० अंक छ ।
