स्मार्टफोनमा प्रतिस्पर्धा : आउँदै छ १९२ मेगापिक्सलको क्यामेरा

एजेन्सी प्रकाशित मिति : २०७५ फाल्गुण २७ सोमबार
तस्वीर-एजेन्सी

काठमाडौं । पछिल्लो केही महिनामा स्मार्टफोनमा निकै ठूलो परिवर्तन आएको छ । विशेषगरी क्यामेरामा यस किसिमको परिवर्तन देख्न सकिन्छ । साओमी रेडमी नोट ७ प्रोको ४८ मेगापिक्सलको क्यामेरा होस् वा नोकिया ९ प्योरभ्युको ५–क्यामेरा सेटअप दुवैले स्मार्टफोनको क्यामेरामा नयाँ आयामको शुरुवात गरे । 

पछिल्लो एक रिपोर्टलाई आधार मान्ने हो भने स्मार्टफोनमा ४८ होइन अब १ सय ९२ मेगापिक्सलको तस्वीर खिच्न सकिन्छ । 

रिपोर्टअनुसार क्वालकोमले आफ्नो पछिल्लो स्न्यापड्र्यागन मोबाइल चिपसेसट क्यामेरा स्पेक्सिफिकेशन्स डिटेल्स अपडेट गरेको छ ।  यसका अनुसार धेरैजसो चिपसेट अब १  सय ९२ मेगापिक्सलकाके रेजुलेशन सेन्सर सपोर्ट गर्ने किसिमका हुनेछन् । 

१ सय ९२ मेगापिक्सलको सेन्सर सपोर्ट गर्ने चिपसेटको सूचीमा क्वालकोम स्न्यापड्र्यागन ६७०, ६७५, ७१०, ८४५ र ८५५ रहेका छन् । यसबाट सहजै अनुमान गर्न सकिन्छ कि यी चिपसेटमा चल्ने स्मार्टफोनको क्यामेरा १ सय ९२ मेगापिक्सलको हुनेछ । 

अहिलेसम्म यसको सेन्सर भने बजारमा आएको छैन । त्यसैले केही समय भने प्रतीक्षा गर्नुपर्ने भएको छ । अहिले क्वालकोमले गरेको अपडेटमा क्यामेराका विभिन्न किसिमको अपडेटहरु समावेश गरिएको छ । 
 

ईआइसिटी नेपाल प्रालिद्धारा संचालित हाम्राकुरा डटकममा प्रकाशित कुनै पनि सामाग्री ईआइसिटी नेपालको पूर्व जानकारी विना हुवहु एवं आंशिक रुपमा समेत कपी गरि प्रकाशन गर्नु दण्डनीय छ। यस किसिमका कार्य गर्ने उपर ईआइसिटी नेपाल कानुनी उपचार खोज्न बाध्य हुने भएकाले सम्बन्धित सवैलाई सचेत हुन जानकारी गराइन्छ।

नयाँ