- सुन चाँदी दर
- विनिमय दर
- नेपाली पात्रो
- राशिफल
काठमाडौं । ब्रेक्जिटका विषयमा प्रधानमन्त्री टेरिजा मेले ल्याएको संशोधित मस्यौदालाई बेलायती संसद्ले पुनः अस्वीकार गरिदिएको छ ।
यसअघि पनि प्रधानमन्त्री मे ले ल्याएको मस्यौदालाई संसद्ले अस्वीकृत गरिदिएको थियो । मेले बेलायतलाई युरोपियन युनियनबाट बाहिर निकाल्ने सम्झौताको मस्यौदा ल्याएकी थिइन् ।
मेको प्रस्ताव १४९ मतले पराजित भएको हो । मस्यौदाको प्रस्तावमा २४२ मत परेको थियो भने विपक्षमा ३९१ मत परेपछि प्रस्ताव अस्वीकृत भएको हो । पटक पटक असफल भएपछि मेको राजनीतिक करियर संकटमा परेको छ ।
युरोपेली संघका नेताहरुसँग निकै लामो छलफलपछि प्रधानमन्त्री मे ले आफ्नो संशोधित प्रस्ताव पारित गर्न संसद्लाई आग्रह गरेकी थिइन् ।
उनले ‘कि त प्रस्ताव पारित गर्नुहोस् कि ब्रेक्जिटलाई नै अस्वीकार गर्नुहोस्’ भन्दै संसदमा कडा रुपले प्रस्तुत भएकी थिइन् । सांसदहरुले पहिले जस्तै जवाफ दिएका छन् ।
मेले संकटको घडी आएकाले सघाउन आग्रह समेत गरेकी थिइन् ।