- सुन चाँदी दर
- विनिमय दर
- नेपाली पात्रो
- राशिफल
काठमाडौं । इथियोपियन एयरलाइन्सको बोइङ ७३७ म्याक्स ८ विमान दुर्घटनामा सवार सबै १५७ जनाको मृत्यु भएपछि यो विमानमाथि प्रतिवन्ध लगाउने होड चलेको छ ।
पाँच महिनाको अवधिमा यो विमानका दुई ठूला दुर्घटना भएका छन् । पहिलो दुर्घटनामा इन्डोनेसियामा सवार सबै १८९ जनाको मृत्यु भएको थियो ।
भारतले पनि यो विमान उडानमा प्रतिवन्ध लगाएको छ । गत आइतबार भएको विमान दुर्घटनापछि पहिले इथियोपियाले त्यसपछि सोमबार चीनले र मंगलबार सिंगापुरले पनि प्रतिवन्ध लगाइसकेका छन् ।
भारतमा यो मोडलका १७ विमान छन् । स्पाइस जेटका १२ र जेट एयरवेजका ५ गरी १७ विमान रहेका हुन् ।
झण्डै १३ देशले बोइङ ७३७ म्याक्स ८ विमानमा रोक लगाएका छन् ।
हाल विश्वभर २७ एयरलाइन्सका बोइङमाथि प्रतिवन्ध लगाइएको छ । झण्डै डेढ दर्जन एयरलाइन्सले अझै पनि रोक लगाएका छैनन् ।
यसरी विमानहरु धमाधम ग्राउन्डेड भएपछि अब भाडा बढ्ने संकेत देखिएको छ । सुरक्षित मानिएका एयरलाइन्सले यही मौकामा भाडा बढाउन लागेको बुझिन्छ ।