अब चन्द्रमामा चल्नेछ स्वचालित कार, अन्तरिक्ष यात्रीले गर्नेछन् १० हजार किलोमिटरको यात्रा

प्रकाशित मिति : २०७५ फाल्गुण २९ बुधबार

काठमाडौं । जापानको सबैभन्दा ठूलो कार कम्पनी टोयटाले चन्द्रमामा चल्नसक्ने कार निर्माण गरिरहेको छ । कम्पनीले यसको नाम लुनार रोवर राखेको छ । सो स्वचालित कारमा दुई मानिसहरु बसेर १० हजार किलोमिटरसम्म जान सक्नेछन् । टोयटाले उक्त कार जापान एरोस्पेसका एक्सप्लोरेशन एजेन्सीका लागि तयार गरिरहेको हो ।

सन् २०२९ मा यसलाई चन्द्रमामा लैजाने एजेन्सीको योजना छ । रोवरलाई अन्तरिक्षयात्रीभन्दा पहिला चन्द्रमामा पुर्‍याउने योजना छ । यात्री चन्द्रमामा उत्रिएपछि मानिस भएको स्थानमा कार पुग्नेछ ।

सो कारमा प्रयोग गरिने ब्याट्रि सौर्य ऊर्जाबाट सञ्चालित हुनेछ । कारको लम्बाई ६ मिटर  हुनेछ, ५.२ चाडाई र ३.८ मिटर उचाइ हुनेछ । कम्पनीकाअनुसार यसको आकार दुई माइक्रोबसको बराबर हुनेछ । यसमा १३ क्युबिक मिटरको बस्ने स्थान मिल्नेछ । कुनै आपतकालीन अवस्थामा यसमा चारजना मानिस पनि राख्न सकिन्छ ।

जाक्सा र टोयटाले सन् २०२९ मा यसलाई सार्वजनिक गर्नेछन् । त्यसपछि सन् २०३० मा जापानको मानव मिशन शुरु हुनेछ ।

ईआइसिटी नेपाल प्रालिद्धारा संचालित हाम्राकुरा डटकममा प्रकाशित कुनै पनि सामाग्री ईआइसिटी नेपालको पूर्व जानकारी विना हुवहु एवं आंशिक रुपमा समेत कपी गरि प्रकाशन गर्नु दण्डनीय छ। यस किसिमका कार्य गर्ने उपर ईआइसिटी नेपाल कानुनी उपचार खोज्न बाध्य हुने भएकाले सम्बन्धित सवैलाई सचेत हुन जानकारी गराइन्छ।

नयाँ