युट्युबबाट आफ्नो भिडियो डिलिट भएपछि ३३ सय माइल कार चलाएर गुगलको कार्यालय पुगे युवक

प्रकाशित मिति : २०७५ फाल्गुण ३० बिहिबार

काठमाडौं । एक युवक आफ्नो अनलाइन च्यानल र भिडियो युट्युबमा नभेटिएपछि गुगलको हेडक्वार्टर तोडफोड गर्न पुगेका छन् । ३३ वर्षीय कायली लन्ग आफ्नो शहरबाट ३३ सय किलोमिटर कार चलाएर गुगलको कार्यालयमा आइपुगेका थिए । उनको कारमा ३ ओटा बेसबलको ब्याट थियो, जसलाई प्रहरीले बरामद गरेको थियो ।

प्रहरीका अनुसार कायलीले आफ्नो युट्युब च्यानलको सम्बन्धमा गुगलका अधिकारीसँग मिटिङको माग गरेका थिए । यस्तो नभएपछि उनले हिंसा शुरु गरेका थिए । उनलाई आफ्नो भिडियोबाट हजारौं डलर आउनसक्ने विश्वास थियो । तर, भिडियो नभेटिएपछि उनले गुगलका अधिकारसँग भेट्ने योजना बनाएका थिए ।

उनका आफन्तले भने कायालीको भिडियो र एकाउन्ट उनकी पत्नीले डिलिट गरेको बताएका छन् । पतिको मानसिक स्थितिको चिन्ता भएसँगै उनले यस्तो गरेकी थिइन् । उनलाई यसअघि मानसिक अवस्थाको समस्या देखिएको थियो ।

गत वर्ष अप्रिलमा पनि यसै किसिमको घटना देखिएको थियो । त्यतिबेला स्यान डिएगोकी एक महिला ले स्यान ब्रूनोमा गुगलको हेडक्वार्टरमा फायरिङ्ग गरेकी थिइन् । यो घटनामा परी ३ जना मानिसहरु घाइते भएका थिए । साथै उनले पनि आत्महत्या गरेकी थिइन् । आफ्नो फिल्ममा गलत तरिकाबाट आफ्नो भिडियोमा सेन्सर लगाइएको दाबी गरेकी थिइन् ।

ईआइसिटी नेपाल प्रालिद्धारा संचालित हाम्राकुरा डटकममा प्रकाशित कुनै पनि सामाग्री ईआइसिटी नेपालको पूर्व जानकारी विना हुवहु एवं आंशिक रुपमा समेत कपी गरि प्रकाशन गर्नु दण्डनीय छ। यस किसिमका कार्य गर्ने उपर ईआइसिटी नेपाल कानुनी उपचार खोज्न बाध्य हुने भएकाले सम्बन्धित सवैलाई सचेत हुन जानकारी गराइन्छ।

नयाँ