यसै वर्ष आउनेछ १०० मेगापिक्सल क्यामेरा भएको स्मार्टफोन

एजेन्सी प्रकाशित मिति : २०७५ चैत २ शनिबार
तस्वीर-वेब

काठमाडौं । पछिल्लो केही महिनादेखि स्मार्टफोनको क्यामेराको विषयमा विभिन्न किसिमका समाचारहरु आइरहेका छन् । यसै क्रममा  भिभो भी१५ प्रो, अनर भ्यु २०, साओमी रेडमी नोट ७ प्रो जस्ता ४८ मेगापिक्सलको क्यामेरा भएका स्मार्टफोन पनि सार्वजनिक भएका छन् । 

यसै क्रममा सबै स्मार्टफोन कम्पनी आफ्नो डिभाइसमा सबैभन्दा धेरै मेगापिक्सलको  क्यामेरा भएका स्मार्टफोन ल्याउने प्रयासमा छन् । यस्तोमा स्मार्टफोनमा मेगापिक्सलको युद्ध शुरु भएको देखिएको छ । 

यसैबीच यस वर्षको अन्तिमसम्ममा ६४ देखि १०० मेगापिक्सलसम्मको क्यामेरा भएको स्मार्टफोन आउनसक्ने भएको छ । हालसालै क्वालकोमका प्रोडक्ट म्यानेजमेन्टका वरिष्ठ नर्देशक जूड हीपले आफ्नो प्लेटफर्मले १ सय ९२ मेगापिक्सलसम्मको क्यामेरा सपोर्ट गर्ने बताएका छन् । तर, अहिलेसम्मको सबैभन्दा धेरै मेगापिक्सलको क्यामेरा ४८ मेगापिक्सलको छ । 

जूडले यस वर्षको अन्तिमसम्ममा ६४ मेगापिक्सल वा १०० मेगापिक्सलभन्दा धेरै रेजुलेसनका स्मार्टफोन आउनसक्ने बताएका छन् । जूडले यस किसिमको फिचर्स आगामी चिपसेट स्न्यापड्र्यागन ८६५ को नामबाट आउनसक्ने बताइएको छ । यो क्यामेराले एचडीआर १० भिडियो रेकर्डिङ पनि सपोर्ट गर्नेछ । 

ईआइसिटी नेपाल प्रालिद्धारा संचालित हाम्राकुरा डटकममा प्रकाशित कुनै पनि सामाग्री ईआइसिटी नेपालको पूर्व जानकारी विना हुवहु एवं आंशिक रुपमा समेत कपी गरि प्रकाशन गर्नु दण्डनीय छ। यस किसिमका कार्य गर्ने उपर ईआइसिटी नेपाल कानुनी उपचार खोज्न बाध्य हुने भएकाले सम्बन्धित सवैलाई सचेत हुन जानकारी गराइन्छ।

नयाँ