एजेन्सी । आर्सनललाई हराउँदै वाट्फोर्ड एफए कप फुटबलको सेमिफाइनलमा पुगेको छ । आइतबार राति आर्सनलको मैदानमा भएको खेलमा खेलमा वाट्फोर्डले २–१ को संघर्षपूर्ण जित निकाल्दै अन्तिम चारको यात्रा तय गरेको हो । वाट्फोर्डलाई विजयी गराउन ओडियन इगालो र एड्लेन ग्वेडीओराले एक–एक गोल गरे ।
खेलको अन्तिम समयतिरु आर्सनलका ड्यानी वेलबेकले एक गोल गरे पनि हार टरेन । वाट्फोर्डसंगै सेमिफाइनल पुग्ने तीन टोलीको टुंगो लागेको छ । यसअघि क्रिष्टल प्यालेस र एभर्टन सेमिफाइनलमा पुगिसकेका छन् । प्यालेसले रिडिङ र एभर्टन चेल्सीलाई हराउँदै अन्तिम चारमा पुगेका हुन् ।
यस्तै, एफए कपको अर्को खेलमा वेष्ट ह्याम युनाइटेडले म्यान्चेस्टर युनाइटेडलाई १–१ गोलको बराबरीमा रोकेको छ । पहिलो हाफ गोल रहित बराबरी सकिंदा दस्रो हाफमा वेष्ट ह्यामका दिमित्री पाएटले गोल गर्दै टोलीलाई अग्रता दिलाए । यद्यपि, म्यानचेस्टर युनाइटेडका एन्टोनी मार्टिएलले एक गोल फर्काउँदै खेल बराबरी पारे ।
यो बराबरीपछि संगै अन्तिम चारमा पुग्ने सवै टोलीको टुंगो लाग्न सकेन । अब यी दुईबीच १० गते बुधवार (मार्च २३) मा रि प्ले खेल हुनेछ । खेल वेष्ट ह्याम युनाइटेडको मैदानमा हुनेछ ।
