फेसबुकले बन्द गर्दैछ यस्ता फोटो र भिडियो, कम्पनीले तयार गर्‍यो एआई टूल

प्रकाशित मिति : २०७५ चैत ३ आइतबार

काठमाडौं । सामाजिक सञ्जालमा यौन उत्पीडनको बढ्दो घटना रोक्न फेसबुकले आर्टिफिशियल इन्टेलिजेन्स (एआई)को प्रयोग गर्ने भएको छ । कम्पनीले यसका लागि एक टूल तयार पारेको छ । यो टूलले आफैं अश्लील फोटो र भिडियो खोज्नेछ र त्यसलाई डिलिट पनि गर्नेछ ।

कम्पनीको दाबीअनुसार यो टूलले पोस्ट कसैसँग बदला लिनका लागि गरिएको हो वा होइन भन्ने कुरा सुनिश्चित गर्नेछ । यदि पोस्ट गलत रहेको पाइए त्यसलाई तत्काल हटाउने छ ।

कम्पनीले यस किसिमको टूल पीडित मानिसहरुको लागि निकै जरुरी रहेको बताएको छ । फेसबुकमा डाटाको विवाद आएसँगै मानिसहरु आफ्नो गोप्य विवरण शेयर गर्न हिच्किचाइरहेका छन् ।

फेसबुकको प्लेटफर्म अश्लील सामग्रीबाट छुट्कारा पाउनका लागि यो नयाँ प्रयास रहेको बताइएको छ । कम्पनीका कन्टेन्ट मोडेरेटरले यस किसिमको सामग्रीले मानिसलाई मानसिक प्रताडनाबाट गुज्रिनुपर्ने अवस्था रहेको दाबी गरेका थिए ।

विज्ञहरुले भने यसले ह्युमन फिल्टरको माध्यमबाट प्रयोग गरिनेछ, यसले अश्लील कन्टेन्टलाई भाइरल हुनबाट बचाउँछ । फेसबुक अश्लील कन्टेन्टको मामिलामा धेरैपटक प्रयोगकर्ताको विरोधको शिकार बन्न पुगेको छ । यसलाई मध्यनजर गर्दै कम्पनीले यस्तो योजना ल्याएको हो । यो प्रविधिको प्रयोग फेसबुकका साथै इन्स्टाग्रामजस्ता एपमा पनि गर्न सकिन्छ ।

ईआइसिटी नेपाल प्रालिद्धारा संचालित हाम्राकुरा डटकममा प्रकाशित कुनै पनि सामाग्री ईआइसिटी नेपालको पूर्व जानकारी विना हुवहु एवं आंशिक रुपमा समेत कपी गरि प्रकाशन गर्नु दण्डनीय छ। यस किसिमका कार्य गर्ने उपर ईआइसिटी नेपाल कानुनी उपचार खोज्न बाध्य हुने भएकाले सम्बन्धित सवैलाई सचेत हुन जानकारी गराइन्छ।

नयाँ