बुटवल । रुपन्देही जिल्लामा यस वर्षको एस ई ई मा १७ हजार ४ सय ८४ परीक्षार्थीले परीक्षामा सहभागिता जनाउँने भएका छन । जिल्लाका १६ वटै स्थानीय तहमा परीक्षा केन्द्र तोकेर परीक्षा सञ्चालयको तयारी भईरहेको जिल्ला शिक्षा समन्वय ईकाई प्रमुख दिपेन्द्र ढकाले जानकारी दिए ।
चैत्र १० गतेबाट सुरु हुने एसईई परीक्षामा रुपन्देही जिल्लामा ५६ वटा परीक्षा केन्द्र तोकी परीक्षा सञ्चालनको तयारी गरिएको उनले जानकारी दिए । यस वर्षको प्राविधिकमा ४ सय ४६ , ग्रेडबिृद्धिमा ५ सय १५ र ३ जना द्धष्टिविहिन परीक्षार्थी परिक्षामा सामेल हुने भएका छन ।
भैरहवा बाहेक सबै परीक्षा केन्द्रमा उत्तर पुस्तिका पुगिसकेको प्रमुख दिपेन्द्र ढकालले जानकारी दिदैं प्रश्न पत्र सम्बन्धि सुरक्षा कार्यलमा पुगिसकेका बताए ।
सम्बन्धित केन्द्राध्यक्ष तोकेर परीक्षाको तयारी गरेको जिल्ला शिक्षा समन्वय ईकाईले जनाएको छ । सम्बन्धित स्थानीय तहका प्रमुख , उपप्रमुख , शिक्षा अधिकारीहरुलाई अनुगमनको जिम्मा दिईने बताईएको छ ।
