काठमाडौं । नेपाली कांग्रेस निकट खेलकुद संगठन नेपाल लोकतान्त्रिक खेलकुद संघले नेपाली कांग्रेसका नवनिर्वाचत सभापति एवं पूर्व प्रधानमन्त्री शेरबहादुर देउवालाई बधाई तथा शुभकामना दिएको छ । लोकतान्त्रिक खेलकुद संघका कार्यावाहक अध्यक्ष सुबोध प्रधानको नेतृत्वमा गएको टोलीले बुढानीलकण्ठस्थित देउवा निवासमा भेट गरी सभापति देउवालाई पार्टीको नेतृत्व पंक्तिमा निर्वाचित भएकोमा बधाइ दिनुका साथै कार्यकालको पूर्ण सफलताका लागि शुभकामना दिएको हो ।
भेटमा राष्ट्रिय खेलकुद परिषद् (रोखप) का कोषाध्यक्ष सुरेन्द्र हमाल, राखेपका सदस्यद्वय शान्ति सिंह र शैलेश कर्माचार्य, लोकतान्त्रिक खेलकुद संघका सदस्य परिवारलगायतको उपस्थित रहे । लोकतान्त्रिक खेलकुद संघका केन्द्रीय सदस्य कुमार बस्नेतले लिखित बधाइ तथा शुभकामना मन्तब्य वाचन गरे ।
उक्त लिखित बधाइ तथा शुभकामना पत्र कार्यवाहक अध्यक्ष प्रधानले सभापति देउवालाई हस्तान्तरण गरेका थिए । सोमबारै लोकतान्त्रिक खेलकुद संघले नवनिर्वाचित महामन्त्री शशांक कोइरालालाई महाराजगन्जस्थित निवासमा भेट गरी बधाइ तथा शुभकामना दिएका थिए ।
