एलन मस्कले जेफ बेजोसलाई लागए आफ्नो योजनाको नक्कल गरेको आरोप
प्रकाशित २०७५ चैत २७ बुधबार
572
Shares
काठमाडौं । स्पेसएक्सका संस्थापक र टेस्ला कम्पनीका मुख्य कार्यकारी अधिकृत एलन मस्कले ब्लू अरिजिन का संस्थापक तथा अमेजनका मुख्य कार्यकारी अधिकृत जेफ बेजोसलाई आफ्नो योजनाको नक्कल गरेको आरोप लगाएका छन् ।
अमेजनले इन्टरनेट स्याटेलाईट सार्वजनीक गर्ने योजना माथि मस्कले सो टिप्पणी गरेका हुन् । मस्कले एक ट्वीटको उत्तर दिदै ट्विटरमा कपी लेखेर बिरालोको इमोजी पोष्ट गरेका छन् ।
अमेजनले पछिल्लो समय संसारभरका करोडौं मानिसहरुलाई ब्रोडब्याण्ड इन्टरनेट उपलब्ध गराउनको लागि ३ हजार २ सय ३६ स्याटेलाईट लन्च गर्ने योजनामा काम गरिरहेको घोषणा गरेको थियो ।
मस्कको कम्पनी स्पेसएक्सले अघिल्लो बर्षको फ्रेब्रअरी देखि नै यसै खालको परियोजनामा काम सुरु गरिसकेको छ ।
मस्कको ट्विटर कमेन्टमा बेजोसले कुने प्रतिक्रिया दिएका छैनन् । तर दुवै बिच ट्वीट वार हुन सक्ने अनुमान लगाउन सकिन्छ ।
बेजोस संसारकै सबैभन्दा धनि व्यक्ति हुन् । उनको कुल सम्पति ११५ अरब डलर रहेको छ ।
त्यस्तै संसारकै पाँच सय अरबपतिहरुको सुचिमा एलन मस्क ३६ औँ नम्बरमा रहेका छन् । उनको कुल सम्पति २२.५ अरब डलर रहेको छ ।
Now Amazon plans to launch a massive constellation of more than 3,000 internet satellites https://t.co/PIbvYqcoqW
