- सुन चाँदी दर
- विनिमय दर
- नेपाली पात्रो
- राशिफल
काठमाडौं । सञ्जय दत्त र माधुरी दीक्षितलले २१ वर्षपछि ‘कलंक’ फिल्ममा स्क्रिन शेयर गरेका छन् । ८० को दशकमा सञ्जय र माधुरीको जोडी सिल्वर स्क्रिनमा हिट भएको थियो ।
फिल्ममा काम गर्दागर्दै उनीहरुको अफेयरको समाचार पनि आएको थियो । माधुरी र सञ्जयले कहिल्यै पनि यो सम्बन्धलाई स्वीकार गरेनन् । तर, पूरै बलिउडमा उनीहरुको यो सम्बन्धको समाचार फैलियो ।
एक अन्तर्वार्ताको क्रममा माधुरीले सञ्जय दत्त निकै राम्रो साथी रहेको बताएकी थिइन् । एउटा किताबका अनुसार सञ्जय र माधुरीका फिल्म निर्देशकले भने सञ्जय सधैं माधुरीको वरीपरी घुम्ने र उनको कानमा ]आई अभ यू' भन्ने गरेको बताएका थिए ।
सन् १९९३ मा सञ्जय जेलबाट केही समयका लागि बाहिर आउँदा उनले माधुरीसँग कुनै सम्बन्ध नरहेको बताएका थिए । सञ्जयले जुन फिल्ममा काम गर्दा पनि नायिकासँग आफ्नो नाम जोडिने गरेकोमा दुःख पनि व्यक्त गरेका थिए । साथै उनले गलत हल्ला चलेकोमा माधुरीसँग माफी पनि मागेका थिए ।
फिल्म निर्माता सुभाष घईले एक अन्तर्वातामा सञ्जय दत्तले कहिल्यै पनि माधुरीसँग विवाह नगर्ने बताएका थिए । उनका अनुसार सञ्जय दत्त आफ्नी पत्नी पनि फिल्मी क्षेत्रमा काम गरेको होस् भन्ने चाहँदैन थे ।
सञ्जयले सन् १९८७ मा रिचासँग विवाह गरेका थिए । रिचाले सञ्जयका लागि आफ्नो फिल्मी करियर पनि छाडेकी थिइन् । रिचा आफ्नो रोगको उपचारका लागि एकपटक अमेरिका गएकी थिइन् ।
फर्केर आउँदा सञ्जयसँग माधुरीको हल्ला सुनिएको थियो । यस्तोमा उनीहरुको बीचमा कुरा बिग्रिएको थियो । सञ्जयले आफूले डिभोर्स नचाहेको बताएका थिए । रिचा पनि छुट्टेर बस्न चाहन्नथिन् ।
एक अन्तर्वार्तामा सञ्जय दत्तकी सालीले पनि यो मामिलामा माधुरी जिम्मेवार रहेको बताएकी थिइन् ।