नायिका श्वेता खड्कालाई घाँटीको ट्यूमर, चलचित्र खेल्न नसक्ने प्रतिक्रिया
प्रकाशित २०७६ वैशाख १६ सोमबार
173
Shares
काठमाडौं । कलिउड नायिका स्वेता खड्काको गर्धनको शल्यक्रिया भएको छ । घाँटीमा ठूलो ट्युमर देखिएपछि उनको शल्यक्रिया भारतमा भएको हो ।
चलचित्र ‘हेलो जिन्दगी’का लागि लन्डन पुगेको केही दिनमै उस्वास्थ्यमा समस्या आएपछि उनी अस्पताल भर्ना भएकी थिइन ।
चिउडो मुनीको भाग अत्यधिक दुखेपछि अस्पतालमा पुगेर डाक्टरसँग परामर्श गर्दा ट्यूमर देखिएको उनले सामाजिक संजालबाट जानकारी दिएकी छिन् ।
त्यसपछि लन्डनबाट भारतको नयाँ दिल्ली ल्याइएकी उनको डा सुरेन्द्र कुमार दासले शल्यक्रिया गरेका थिए । शल्यक्रियापछि उनने ‘हेल्लो जिन्दगी’ अघि बढाउन नसक्ने भन्दै निराशा व्यक्त गरेकी छन् ।
उनले फेसबुकमा लेखेकी छन्, ‘जीवनले फेरि मसँग अर्को खेल खेल्यो । वास्तवमा जिन्दगी अनिश्चित हुन्छ भन्ने भनाई सत्य रहेछ ।’
श्वेता ती अभागी पत्नीमा पर्छिन् जसले बिहे गरेको केही दिनमै पतिलाई गुमाएकी थिइन् । उनका पति अभिनेता श्रीकृष्ण श्रेष्ठको बिहेबन्धनमा बाँधिएको केही दिनमै निधन भएको थियो । त्यो रोगबारे समेत उनीहरु अनभिज्ञ थिए ।
त्यसपछि विचलित उनी सामाजिक कार्यमा व्यस्त रहँदै र त्यसपछि चलचित्र क्षेत्रमा लागेर पीडा भुल्दै गइरहेकी थिइन् ।
