एजेन्सी । स्पेनिश लिग ला लिगा फुटबलमा एथ्लेटिको मड्रिड पराजित भएको छ । दोस्रो स्थानमा रहेको एथ्लेटिको रेलिगेशन क्षेत्रमा रहेको स्पोर्टिङ गिजोनसंग पराजित भएको हो । गिजोनको घरेलु मैदानमा एथ्लेटिकोको लागि खेलको २९औं मिनेटमा एन्टोनी ग्रिजम्यानले गोल गर्दै बनाएको अग्रता अन्ततः जोगाउन सकेन । गिजोनका लागि एन्टोनियो सानाबेरिआ र कार्लोस क्यास्ट्रोले एक–एक गोल गर्दै टोलीलाई जिताए । हार संगै एथ्लेटिकोको बार्सिलोनासंगको अंक दुरी कम गर्ने प्रयास बिफल भयो ।
यस्तै, रियाल बेटिस मालागासंग १–० ले तथा लेभान्ते डेपोर्टिभो लाकोरुनासंग २–१ ले पारजित भए । लस पल्मसले रियाल सोसिडाडलाई १–० ले हराउँदा ग्रनाडा र रायो भाय कानोले २–२ को बराबरी खेले । लिगमा २९ खेलबाट ७५ अंक जोडेको बार्सिलोना शीर्ष स्थानमा रहँदा ३० खेलबाट ६७ अंक जोडेको एथ्लेटिको मड्रिड दोस्रो तथा २९ खेलबाट ६३ अंक जोडेको रियाल मड्रिड तेस्रो स्थानमा छ ।
