-
-
-
-
जनकपुर । जानकी नवमी सोमबार धुमधामका साथ मनाइँदैछ । जानकी नवमीको अवसरमा धुमधामका साथ मनाउन प्रदेश २ सरकारले सार्वजनिक बिदा नै दिएको छ ।
उक्त अवसरमा मुख्यमन्त्री लालबाबु राउतले विज्ञप्ति जारी गर्दै सोमबार परेको जानकी नवमी भव्यता एवं हर्षोल्लासपूर्वक मनाउन बिदाको घोषणा गरेका हुन् । उनले जानकी नवमीको सबैमा शुभकामना समेत व्यक्त गरेका छन् ।
वैशाख शुक्ल नवमीको दिन आदर्श नारी सीताको मिथिलामा जन्म भएको धार्मिक मान्यता अनुसार प्रत्येक वर्ष जानकी नवमी धुमधामसँग मनाउने गरिन्छ ।
जनकपुरमा हुने विशेष कार्यक्रममा राष्ट्रपति विद्यादेवी भण्डारीसमेत सहभागी भई जानकी मन्दिरमा पूजाआजा गर्नेछिन् ।
