काठमाडौं । इङल्याण्डको मेनचेस्टर एयरपोर्टमा एक अनौठो घटना भएको छ । विमानमा रहेकी एक महिलाले शौचालयको ढोका सम्झिएर विमानको इमर्जेन्सी गेट खोलेकी छन् ।
पाकिस्तान इन्टरनेशनल एयरलाइन्सको 'पीके ७०२' विमानमा रहेकी एक महिलालाई शौचालय जानु थियो । उनले शौचालयको ढोका सम्झिएर गल्तीले विमानको इमर्जेन्सी गेट खोलिन् ।
शुक्रवार उड्नको लागि रनवेमा रहेको विमानमा यस्तो घटना भएको हो । पीआईएका प्रवक्ताले भने,'सो समय विमान रनवे मा थियो ।' यसैकारण विमान मेनचेस्टरबाट इस्लामाबाद सात घण्टा ढिलो पुगेको थियो ।
मीडिया रिपोर्ट्सका अनुसार घटनापछि विमानमा रहेका ४० यात्रुहरुले तुरुन्तै उनिहरुलाई सामानसहित विमानबाट उतारिएको थियो । सात घण्टा होटलमा राखेर उनिहरुलाई अर्को बिमानबाट इस्लामाबाद पठाइएको थियो । सो क्रममा यात्रिहरुको बस्ने र होटलमा खनेको सुविधा विमान कम्पनीले व्यहोरेको थियो ।
पाकिस्तान एयरलाइन्सका मुख्य कार्यकारी अधिकारी एयर मार्शल अरशद मलिकले घटनाको जांचको आदेश दिएका छन् । पीआईए केहि बर्षदेखि घाटामा चलिरहेको छ । पाकिस्तान सरकार यसलाई सुधार्ने कोशिश गरिरहेको छ ।
