काठमाडौं। अनिश्चितताको खेल क्रिकेट फेरि त्यस्तै भयो। भारत बिरुद्ध जित्न ३ बलमा २ रन चाहिएको स्थितिमा बंगलादेश १ रनले पराजित भएको हो। टि-२० विश्वकपको भारत र बंगलादेश बिचको खेलको अन्तिम ओभरमा बंगलादेशलाई जीतकालगि ११ रन चाहिएको थियो।
पहिलो ३ बलमा ९ रन बनाएको बंगलादेशले अन्तिम तीन बलमा कुनै रन नबनाई ३ विकेट गुमाएको थियो। हार्दिक पाण्ड्याले अन्तिम ओभरको अन्तिम २ विकेट लिएका थिए भने एक विकेट रनआउटका रुपमा आएको थियो।
टस हारेर पहिले ब्याटिङ गरेको भारतले निर्धारित २० ओभरमा ७ विकेटको क्षतीमा १४६ रनको योगफाल तयार पारेको थियो। भारतकालागि सुरेश रैनाले सार्वाधिक ३० रनको योगदान गरेका थिए। बंगलादेशकालागि अल-अमिन होसेन र मुस्ताफिजुर रहमानले २-२ विेकट लिएका थिए।
जवाफमा ब्याटीङ गर्न ओर्लेको बंगलादेश निर्धारित २० ओभरमा ९ विकेटको क्षतीमा १४५ रन बानउँदै खेल १ रनले हारेको थियो। बंगलादेशकालागि तमिम ईकबालले सार्वाधिक ३५ रनको योगदान गरेका थिए। भारतकालागि आश्विन, जडेजा र पाण्ड्याले २-२ विकेट लिएका थिए।
खेलका प्लेयर अफ द म्याच रविचन्द्रन आश्विन घोषित भएका थिए।
