छात्रछात्राहरुलाई पोषण युक्त वाल भोजनको प्याकेट वितरण

श्रीधर भट्टराई, प्रकाशित मिति : २०७६ असार ३ मंगलबार

प्यूठान । विपन्न विद्यार्थीहरुको पोषणमा सहयोग पुर्याउने उदेश्यले पाटेश्वरी नमुना प्राथमीक विद्यालयलका ५४ जना छात्रछात्राहरुलाई पोषण युक्त वाल भोजनको प्याकेट वितरण गरिएको छ ।  अन्तराष्ट्रिय पशुपती अन्नपूर्ण आश्रम प्रदेश न ५ का उप प्रमुख रामचन्द्र ज्ञवाली  (विरु) र स्थानी शुनिल शाहीको सकृयतामा पोषण युक्त वाल भोजनको प्याकेट आज एक कार्यक्रमको आयोजना गरी वितरण गरिएको हो ।

कार्यक्रममा बोल्दै ऐरावती गाउँपालिकाका अध्यक्ष नविल बिक्रम शाहले विपन्न विद्यार्थीको पोषणमा सुधार ल्याउने अन्तराष्ट्रिय पशुपती अन्नपूर्ण आश्रम प्रदेश न ५ ले गरेको कार्यको प्रशंसा गर्दै आगामी दिनमा ऐरावती गाउँपालिकाका सबै विद्यालयमा सहयो गर्न संस्थालाई आग्रह समेत गरे। संस्थासँग सहकार्य गरेर अघी बढ्न आफु र गाउँपालिका तयार रहेको भन्दै आगामी दिनमा सहकार्य गर्ने उल्लेख गरे।

कार्यक्रममा पोषणका कार्यक्रमलाई नियमति सहयोग गर्न आग्रह गर्दै विद्यालयका प्रध्यानध्यापक दामोदर शर्माले विद्यालयको तर्फबाट संस्थालाई धन्याबाद दिएका थिए ।  विपन्न विद्यार्थीहरुको स्वास्थ्य तथा पोषणका क्षेत्रमा सहयोग गर्ने कार्यक्रम अनुसार ऐरावती गाउँपालिका वडा न ५ मा रहेको पाटेश्वरी नमुना प्राथमीक विद्यालयलका विपन्न परिवारका जना ५४ छात्रछात्राहरुलाई वितरण गरिएको शुनलि शाहीले जानकारी दिइन् ।

हामीले स्थानीय स्तरमा पोषण तथा सामाजिक क्षेत्रमा काम गर्ने अभिरुची रहेकोले पोषण युक्त वाल भोजनको प्याकेट वितरण गरेका जानकारी गराउँदै यसले विपन्न विद्यार्थीको पोषणमा सुधार ल्याउने आशा गरेका छौ अन्तराष्ट्रिय पशुपती अन्नपूर्ण आश्रम प्रदेश न ५ का उप प्रमुख रामचन्द्र ज्ञवाली विरुले भने ।

नयाँ