मंगल ग्रहमा भेटियो मिथेन ग्यास 

एजेन्सी प्रकाशित मिति : २०७६ असार ९ सोमबार
तस्वीर-एजेन्सी

काठमाडौं । नासाले मंगल ग्रहमा मिथेन ग्यास रहेको पत्ता लगाएको छ । नासाको मंगल ग्रहमा पठाइएको विमानले उक्त ग्रहमा मिथेन ग्यास रहेको पत्ता लगाएको छ । उक्त विमानले सात वर्षमा पहिलोपटक मिथेन ग्यास भेटिएको पुष्टि गरेको हो । 

मिथेन ग्यास पाइएसँगै मंगल ग्रहमा जैविक सम्भाव्यता हुनसक्ने आशंका उत्पन्न भएको छ । 

न्युयोर्क टाइम्समा प्रकाशित एक प्रतिवेदनअनुसार वैज्ञानिकले यो मिसनअन्तर्गत पाएको आन्तरिक इमेलको आधारमा मंगल ग्रहमा मिथेन ग्यास भएको हुनसक्ने बताएका हुन् ।

आइतवार नासाले उक्त इमेलको आधारमा नासले मंगल ग्रहमा मिथेन ग्यास रहेको पुष्टि गरेको हो । नासाको उपकरणले मंगल ग्रहमा एक अर्बमा २१ भाग मिथेन ग्यास रहेको बताएका हुन् । यो परिमाण यसअघिको अनुमानको तुलनामा धेरै हो । 

मिथेन पृथ्वीको जैविक अस्तित्वको लागि निकै महत्वपूर्ण तत्व हो । यसअघि पनि मंगल ग्रहमा मिथेन हुनसक्ने अनुमान वैज्ञानिकले बताउँदै आएका छन् । सन् १९७० को दशकमा पनि मंगल ग्रहमा मिथेन ग्यास रहेको हुनसक्ने एक प्रतिवेदनले देखाएको थियो । 

मिथेन पत्ता लाग्नुको अर्थ मंगल ग्रहमा जैविक अस्तित्व हुनैपर्छ भन्ने केही छैन । मंगल ग्रहमा गरिएको अनुसन्धानमा नियमित रुपमा मिथेन आइरहेको पाइएको छ । तर, उक्त ग्यास कहाँबाट आउँछ भन्ने कुरा भने अझै अन्योलमा छ । 

अझै यस विषयमा धेरै अनुसन्धान बाँकी रहेको नासाले बताएको छ । नासाले अहिलेसम्म मिथेन कहाँबाट आउँछ भन्ने कुरा पत्ता लगाउनसक्ने कुनै उपकरण नभएको बताएको छ । 

अहिलेको उपकरणले मिथेलको स्रोत मिथेन जीवजन्तुहरुबाट नै उत्पन्न भएको हो वा होइन भन्ने कुराको निक्र्योल गर्न नसक्ने वैज्ञानिकहरुले बताएका छन् ।  

पछिल्लो समय नासाले नयाँ प्रविधिको प्रयोग गरेर अन्तरिक्षको अध्ययन व्यापक बनाइरहेको छ ।

ईआइसिटी नेपाल प्रालिद्धारा संचालित हाम्राकुरा डटकममा प्रकाशित कुनै पनि सामाग्री ईआइसिटी नेपालको पूर्व जानकारी विना हुवहु एवं आंशिक रुपमा समेत कपी गरि प्रकाशन गर्नु दण्डनीय छ। यस किसिमका कार्य गर्ने उपर ईआइसिटी नेपाल कानुनी उपचार खोज्न बाध्य हुने भएकाले सम्बन्धित सवैलाई सचेत हुन जानकारी गराइन्छ।

नयाँ