फोनको प्रयोगमा ट्रम्पभन्दा कम छैनन् मोदी, मन्त्रीहरुकै छ यस्तो मोबाइल 

प्रकाशित मिति : २०७६ असार १० मंगलबार
तस्वीर – एजेन्सी

नयाँ दिल्ली।  अमेरिकी राष्ट्रपति डोनल्ड ट्रम्प २ वटा स्मार्टफोनहरु चलाउने गर्छन् । कतिपयले त भन्छन् उनी ट्वीटरलाई  टाइपराइटरको रुपमा मान्ने गर्दछन् । अर्कातर्फ भारतीय प्रधानमन्त्री पनि यस्ता इलेक्ट्रोनिक्स ग्याजेटहरुका प्रिय मानिन्छन् । नरेन्द्र मोदी नेतृत्वको सरकारका कैयौं प्रमुख मन्त्रीहरु मोबाइलमा सौखिन देखिन्छन् । अलग-अलग सामाजिक सञ्जालको प्लेटफर्म्समा सक्रिय रहनको लागि एप्पलको सबैभन्दा नयाँ आइफोन र एन्ड्रौइड स्मार्टफोनको प्रयोग गर्दछन् । मोदी सरकारका कुन् मन्त्रीले कस्तो मोबाइल चलाउँछन् ?

एप्पलको टप-इण्ड फोन प्रयोग गर्छन् मोदी
प्रधानमन्त्री नरेन्द्र मोदी ग्याजेट प्रेमी नेता हुन् । मोदी अहिले एप्पल फेमिलीको स्मार्टफोनको प्रयोग गर्दछन् । २०१८ मा चीन र दुबईको ‌औपचारिक भ्रमणको क्रममा प्रधानमन्त्री नरेन्द्र मोदी एप्पलको आइफोन ६ सिरीज स्मार्टफोन खरिद गरेका थिए । सुरक्षाद्वारा जोडिएको कारणले पीएम मोदीले केवल टप-इण्ड एप्पल डिभाइसहरुको मात्रै प्रयोग गर्ने गरेका छन् । 

आइफोन एक्स एसको प्रयोग गर्छन् अमित शाह
मोदी सरकारमा गृहमन्त्री अमित शाह मौजूदा समयमा एप्पलको लेटेस्ट आइफोन एक्स एस प्रयोग गर्दछन्। एप्पलले पछिल्लो वर्ष सेप्टेम्बरमा यो स्मार्टफोन ल्याएको हो । यस स्मार्टफोनमा ७ मेगापिक्सेलको सेल्फी क्यामेरा रहेको छ । यो फोनको पछि १२-१२ मेगापिक्सेलको दुई क्यामेरा लगाइएको हो । यो स्मार्टफोन आइ‍ओएस १२ को साथ आएको छ । यसलाई आइ‌ओएस १२.३ अपग्रेड मिल्नेछ । आइफोन एक्स एस ४ जीबीको र्‍याम र ६४/२५६/५१२ जीवीको स्टोरेज अप्शनमा आएको छ । यस स्मार्टफोनमा ५.८ इन्चको डिस्प्ले दिएको छ । 

धर्मेन्द्र प्रधानको साथमा छ एक आइफोन र एक एन्ड्रोइड फोन
पेट्रोलियम तथा नेचुरल ग्यास मन्त्री धर्मेन्द्र प्रधान दुई स्मार्टफोनको प्रयोग गर्दछन् । यसमा एक आइफोन र दोस्रो एन्ड्रोइड फोन हो। प्रधान, अपडेट रहने र सारा अफिशियल कामलाई ट्र्याक गर्नको लागि ह्वाट्सएप, फेसबुक र ट्विटरको प्रयोग गर्दछन्।

मोदी सरकारमा रोड, ट्रान्सपोर्ट तथा हाईवे मिनिस्टर नितिन गडकरी आफ्नो अफिशियल कामको ट्र्याक गर्नको लागि ट्विटर र फेसबुकको प्रयोग गर्दथे । फाइनान्स मिनिस्टर निर्मला सीतारमण पनि सक्रियताको साथ ट्विटरको प्रयोग गर्दछिन् । उनी सरकारी तथा आफ्ना कार्यकर्तासँग जोडिनको लागि ट्वीटरको प्रयोग गर्दछिन् । 

मोदी सरकारका राज्यमन्त्री फग्गन सिंह कुलस्ते एक र एक स्यामसुङ्गको फोनको प्रयोग गर्दछन् । उनी सक्रियताका साथ ह्वाट्सएप, फेसबुक र ट्विटर प्रयोग गर्दछन् । त्यस्तै, नर्थ-ईस्ट दिल्लीबाट सांसद तथा बीजेपीका दिल्ली प्रमुख मनोज तिवारी आइफोनको प्रयोग गर्दछन् । 

ईआइसिटी नेपाल प्रालिद्धारा संचालित हाम्राकुरा डटकममा प्रकाशित कुनै पनि सामाग्री ईआइसिटी नेपालको पूर्व जानकारी विना हुवहु एवं आंशिक रुपमा समेत कपी गरि प्रकाशन गर्नु दण्डनीय छ। यस किसिमका कार्य गर्ने उपर ईआइसिटी नेपाल कानुनी उपचार खोज्न बाध्य हुने भएकाले सम्बन्धित सवैलाई सचेत हुन जानकारी गराइन्छ।

नयाँ