बिल गेट्सले स्वीकारे आफ्नो सबैभन्दा ठूलो गल्ती

प्रकाशित मिति : २०७६ असार १० मंगलबार

काठमाडौं । माइक्रोसफ्टका संस्थापक बिल गेट्सले एन्ड्रोइड र गुगलको विषयमा आफ्नो सबैभन्दा ठूलो गल्ती भएको बताएका छन् । बिल गेट्सले नन एप्पल फोन प्लेटफर्म नल्याउनु र एन्ड्रोइडका लागि गुगललाई मौका दिनु आफ्नो सबैभन्दा ठूलो गल्ती रहेको स्वीकारेका छन् ।  

गुगल एन्ड्रोइडको अपरेटिङ प्रणालीको सहयोगमा अन्य कम्पनीको तुलनामा निकै अगाडि बढिसकेको छ । बिल गेट्सका अनुसार यदि उनले ओएस बनाउने पहल गरेको भए अहिले माइक्रोसफ्ट सबैभन्दा ठूलो कम्पनी हुने थियो ।

गुगलले सन् २००५ मा एन्ड्रोइडलाई ५ करोड डलरमा खरीद गरेको थियो । अहिले यो विश्वको सबैभन्दा लोकप्रिय अपरेटिङ सिस्टम हो ।

विन्डोज फोनमा माइक्रोसफ्टले आफ्नो अपरेटिङ सिस्टम उपलब्ध गराउँदै आएको थियो । तर, प्रयोगकर्ताको बीचमा यो एन्ड्रोइड र आईओएस जति लोकप्रिय भने बन्न सकेन ।

यसैबीच कम्पनीले सन् २०१७ मा यसलाई बन्द गर्ने निर्णय गरेको थियो। एन्ड्रोइड र आईओएसको दाँजोमा माइक्रोसफ्टको सफ्टवेयर त्यति दमदार भने थिएन। एन्ड्रोइड र आईओएसमा चल्ने एपको संख्या पनि धेरै छ ।

ईआइसिटी नेपाल प्रालिद्धारा संचालित हाम्राकुरा डटकममा प्रकाशित कुनै पनि सामाग्री ईआइसिटी नेपालको पूर्व जानकारी विना हुवहु एवं आंशिक रुपमा समेत कपी गरि प्रकाशन गर्नु दण्डनीय छ। यस किसिमका कार्य गर्ने उपर ईआइसिटी नेपाल कानुनी उपचार खोज्न बाध्य हुने भएकाले सम्बन्धित सवैलाई सचेत हुन जानकारी गराइन्छ।

नयाँ