चन्द्रमा र पृथ्वीको क्षुद्रग्रहबारे अध्ययन गर्दै नासा

प्रकाशित मिति : २०७६ असार १५ आइतबार

काठमाडौं । अमेरिकी अन्तरिक्ष एजेन्सी नासाले चन्द्रमा र पृथ्वीको आसपास रहेका क्षुद्रग्रहको अध्ययनका लागि नयाँ आठ टोली छनोट गरेको छ । यो टोलीले मंगलको चन्द्रमा (फोबोस र डीमोस)का साथै तिनीहरुका निकटवर्ती अन्तरिक्ष वातावरणको बारेमा पनि जानकारी एकत्रित गर्नेछ ।

यो मिसनका लागि सोलार सिस्टम एक्सप्लोरेशन रिसर्च भर्चुअल इन्स्टिच्युट (एसएसईआरवीआई)ले पाँच वर्षसम्म यो टोलीलाई सहयोग गर्नेछ । नासाले एक वक्तव्यमा यो कार्यक्रम नासाको साइन्स एण्ड ह्युमन एक्सप्लोरेशन एण्ड अपरेशन मिसनद्वारा वित्तीय सहयोग प्राप्त कार्यक्रम हुनेछ । यो पूरा मिसनमा वार्षिक १ करोड ५ लाख डलर प्रतिवर्ष खर्च हुनेछ ।

नासाका अधिकारीका अनुसार रोबोट र मानिसद्वारा गरिने अधययन र सौर्यमण्डलमा मानिसको भविष्यको अन्वेषणका लागि यो निकै महत्वपूर्ण साबित हुनेछ ।

वैत्रानिकको यो टोली नासाले २४ प्रतिस्पर्धी प्रस्तावको समीक्षाको माध्यमबाट चयन गरेको हो । कुल आठ टिममध्ये एक टोलीले क्यालिफोर्नियाको सिलिकन भ्यालीमा नासाका रिसर्च सेन्टरमा जेनिफर हेल्डम्यानको नेतृत्वमा चन्द्रमामा संसाधनको मात्रा र उपलब्धताको आँकलन गर्नेछ ।

साथै त्यसको उपयोगको लागि आवश्यक प्रविधिको पनि परिक्षण गरिनेछ । साथै चन्द्रमामा मानिसको जीवनको सम्भावना छ वा छैन भन्ने कुराको पनि जानकारी दिनेछ ।

अर्को एक टोलीले भने क्षुद्रग्रहबाट निस्किने विकिरणको असर मानव स्वास्थ्यमा कस्तो पर्छ भन्ने विषयमा जानकारी संकलन गर्नेछ । यो टोलीले जनावरको कोशिकाको क्षुद्रग्रहको विकिरणसँग कस्तो सम्बन्ध छ भन्ने कुराको जानकारी हासिल गर्नेछ ।

ईआइसिटी नेपाल प्रालिद्धारा संचालित हाम्राकुरा डटकममा प्रकाशित कुनै पनि सामाग्री ईआइसिटी नेपालको पूर्व जानकारी विना हुवहु एवं आंशिक रुपमा समेत कपी गरि प्रकाशन गर्नु दण्डनीय छ। यस किसिमका कार्य गर्ने उपर ईआइसिटी नेपाल कानुनी उपचार खोज्न बाध्य हुने भएकाले सम्बन्धित सवैलाई सचेत हुन जानकारी गराइन्छ।

नयाँ