-
-
-
-
काठमाडौं। काठमाडौं महानगरपालिकाका उपमेयर हरिप्रभा खड्गीलाई हृदयघात भएको छ ।
बिहीबार राति हृदयघात भएपछि अहिले काठमाडौंको नर्भिक अस्पतालमा उनको उपचार भईरहेको महानगरपालिकाका १६ नं वडाध्यक्ष मुकुन्द रिजालले जानकारी दिए ।
खड्गीका सहयोगीहरुका अनुसार उनको स्वास्थ्य सुधार हुने क्रममा रहेको छ। बिहीबार राती उनलाई हृदयघात पछि अस्पताल पुर्याइएको हो। उनलाई २४ घण्टासम्म चिकित्सकहरुको निगरानीमा रहनुपर्ने र अस्पतालमा बस्दा मुटु सम्बन्धी थप स्वास्थ्य परीक्षण गर्नुपर्ने खड्गीका सहयोगीहरुले बताएका छन् ।
उनी अहिले सामान्य बोलचाल गर्न सक्ने अवस्थामा छिन् । कामकाे दबाबका कारणले उनी केही समयदेखि तनाबको अवस्थामा थिइन् ।
