भारतका १ करोड ५० लाख एन्ड्रोइड डिभासमा साइबर आक्रमण

एजेन्सी प्रकाशित मिति : २०७६ असार २६ बिहिबार
तस्वीर-एजेन्सी

काठमाडौं । साइबर सुरक्षासँग जोडिएको एक गम्भीर घटना सार्वजनिक भएको छ । भारतको १ करोड ५० लाख एन्ड्रोइड डिभाइस साइबर आक्रमणको शिकारमा परेका छन् । 

चेक प्वइन्टको अनुसन्धानले नयाँ किसिमको मालवेयरले निकै चलाखीपूर्वक विश्वभरका २ करोड ५० लाख डिभाइसलाई आफ्नो शिकार बनाएको हो । जसमा १ करोड ५० लाख डिभाइस भारतका छन् । 

कुनै एल्पिकेशनजस्तो देखिने भाइरसको विषयमा अहिलेसम्म पाइएको जानकारीअनुसार यसले एन्ड्रोइड डिभाइसेजलाई नोक्सानी पुर्‍याउनुका साथै फोनमा इन्स्टल भएका एपलाई विस्थापित गरेर हानिकारक भर्सनलाई इन्स्टल गर्छ । 

चेक प्वइन्टले एक वक्तव्य जारी गर्दै ‘एजेन्ट स्मिथ’ नामको यो मालवेयर डिभाइसले निकै सहज तरिकाले सबै डिभाइसमा आफ्नो पहुँच विस्तार गर्ने गरेको बताएको छ । 

यसको माध्यमबाट प्रयोगकर्तालाई वित्तीय हिसाबमा नाफा हुने विज्ञापन देखिने वक्तव्यमा उल्लेख छ । यसको प्रयोग बैंकिङ डिटेल्स लिनका लागि गर्ने सकिने बताइएको छ । यसको काम गर्ने तरिका यसअघिको साइबर आक्रमणसँग केही मात्रामा मिल्दोजुल्दो छ । 

यसले हिन्दी अरेबिक, रुसी र इन्डोनेसियन प्रयोगकर्तालाई आफ्नो निशाना बनाएको छ । बंगलादेश र पाकिस्तानमा पनि यसले प्रयोगकर्तालाई उल्लेख्य नोक्सानी पुर्‍याएको छ । 

बेलायत, अष्ट्रेलिया र अमेरिका पनि यो साइबर आक्रमणको निशानामा परेका छन् । तर, अहिले भने उक्त सफ्टवेयर प्ले स्टोरमा नरहेको बताइएको छ । 

ईआइसिटी नेपाल प्रालिद्धारा संचालित हाम्राकुरा डटकममा प्रकाशित कुनै पनि सामाग्री ईआइसिटी नेपालको पूर्व जानकारी विना हुवहु एवं आंशिक रुपमा समेत कपी गरि प्रकाशन गर्नु दण्डनीय छ। यस किसिमका कार्य गर्ने उपर ईआइसिटी नेपाल कानुनी उपचार खोज्न बाध्य हुने भएकाले सम्बन्धित सवैलाई सचेत हुन जानकारी गराइन्छ।

नयाँ