सबैले गर्नुपर्छ सृष्टिको नियमको पालना, नत्र सृष्टिले दिन्छ दण्ड

स्वामी विवेकानन्दका तत्वदर्शी गुरु रामकृष्ण परमहंस धर्म र अध्यात्म बारे के भन्छन् ?

प्रकाशित मिति : २०७६ असार २६ बिहिबार
फाइल तस्विर

काठमाडौं । स्वामी विवेकानन्दका तत्वदर्शी गुरु रामकृष्ण परमहंसको जीवनका केही यस्ता प्रसंग छन्, जसले सुखी र सफल जीवनको सूत्र बताउँछन् । यदि यो सूत्रलाई जीवनमा पालना गर्ने हो भने मानिसलाई उत्पन्न हुनसक्ने धेरै समस्याबाट बच्न सकिन्छ ।

यहाँ उनका केही प्रसंग उल्लेख गरिएको छ – एकदिन रामकृष्ण परमहंस आफ्ना शिष्यहरुसँग बसिरहेका थिए । उनी धर्म र अध्यात्मको विषयमा कुरा गरिरहेका थिए । त्यसैबीच एक शिष्यले सोधे,'यो सृष्टि यति ठूलो छ, यहाँ यति धेरै विविधता छ, तरपनि सबै सृष्टि नियन्त्रणसँग कसरी चलिरहेको छ ?'

परमहंसले जवाफ दिँदै भने,'सृष्टिको रचना परमात्माले गरेका हुन् । सम्पूर्ण सृष्टिमा उनकै अधिकार छ । ईश्वरको नियममा कुनै किसिमको त्रुटि छैन । उनको कानुन निकै कडा छ । जसले जस्तो किसिमको काम गरिरहेको छ, उसले त्यस्तै किसिमको फल पाउँछ ।'

गुरु रामकृष्ण परमहंस र स्वामी विवेकानन्दका

 परमहंसले भने,'जंगलमा असंख्य जनावर हुन्छन् । सबैले आफ्नो अस्तित्व राख्नका लागि संघर्ष गर्छन् । सबैले निकै राम्रो तरिकाले यो काम गर्दै पनि आएका छन् । यो शक्ति भगवान्ले नै दिएका हुन् । आकाशमा असंख्य नक्षत्र छन्, सबैले आफ्नो नियमअनुसार टिकेका छन् । कुनै पनि ग्रह सृष्टिको नियमभन्दा बाहिर जाँदैनन् । हाम्रो समाजमा असंख्य मानिस छन्, सबैको सोच फरक किसिमको छ । तर, एकअर्काको बीचमा प्रेम र मैत्रीभावका साथमा रहने गरेका छन् । जसले सृष्टिको नियमलाई तोड्छ, प्रकृतिले उसलाई पक्कै पनि दण्ड दिन्छ ।'

'यो पूरा सृष्टि ईश्वरको परिवार हो । सबैमा भगवानको नियन्त्रण छ । यहाँ सबैले यहाँ आफ्नो नियमको पालना गर्नुपर्छ । त्यसैले हामीले गलत  मर्गबाट बच्नु जरुरी छ । अन्यथा प्रकृतिको नियम निकै कठोर हुन्छ ।'

ईआइसिटी नेपाल प्रालिद्धारा संचालित हाम्राकुरा डटकममा प्रकाशित कुनै पनि सामाग्री ईआइसिटी नेपालको पूर्व जानकारी विना हुवहु एवं आंशिक रुपमा समेत कपी गरि प्रकाशन गर्नु दण्डनीय छ। यस किसिमका कार्य गर्ने उपर ईआइसिटी नेपाल कानुनी उपचार खोज्न बाध्य हुने भएकाले सम्बन्धित सवैलाई सचेत हुन जानकारी गराइन्छ।

नयाँ