कपिलवस्तु । शुद्धोधन गाउँपालिका वडा नं. ६ टिटिहिरिया पश्चिम हुलाकी सडकमा गोली प्रहारबाट संघीय समाजवादी फोरमका गाउँपालिका समितिका अध्यक्ष रामनयन यादव घाइते भएका छन् ।
शुद्धोधन गाउँपालिका वडा नं. ४ निवासी रामनयन यादवलाई गोली प्रहार गरी घाईते बनाईएको हो । घाईते यादव घरदेखि तौलिहवा आउने क्रममा पछाडिबाट गोली प्रहार गरिएको थियो ।
गोली हान्नेमा शुद्धोधन गाउँपालिका वडा नं ५ शिवलवा बस्ने लाला भन्ने हुमनाथ चौधरी, सोही गाउँपालिका वडा नं. ४ बिठुवा बस्ने अनिल चौधरी र सोही गाउँपालिका वडा नं. ५ दोहनी बस्ने लौकुस चौधरी रहेको घाईते यादवले बताएका छन् । उनको जिल्ला अस्पताला तौलिहवामा उपचार भईरहेको छ ।
६ जनाको समुहमा अएका उनीहरुले पछाडिबाट गोली हानेर फरार भएका हुन् । घाईते यादव संघीय समाजवादी फोरम नेपाल शुद्धोधन गाउँपालिकाको स्थानीय तहको अध्यक्ष पदका उम्मेदवार थिए । घटनाको विषयमा अनुसन्धान भइरहेको जिल्ला प्रहरी कार्यालय कपिलवस्तुले जानकारी दिएको छ ।
यस क्षेत्रमा नियमित यसता घटना हुदं आइरहेका छन् । केही महिना अघि गाउँपालिकाकौ अध्यक्ष पदका उमेद्धार राजा बाबु भन्ने लाला चौधरीको समेत शुद्धोधन गाउंपालिका ४ मा गोली प्रहार बाट हत्या भएको थियो ।
