दुबई । पर्वत सेवा समाज युएईले विविध लोक सांगीतिकको माहौलमा तेस्रो बार्षिकउत्सव २०१६ भव्य रुपले मनाएको छ । समाजले आफ्नो कार्यकाल तीन बर्ष पूरा गरेको अवसरमा सो बार्षिकउत्सव मनाएको हो । कार्यक्रममा पर्वत सेवा समाज युएईका संंरक्षक खेमानन्द भुर्तेल समाजका अध्यक्ष राजेन्द्र अधिकारीले लगायत विभिन्न संघ संस्थाका प्रतिनिधिहरु, समाजसेवी, व्यवसायी, पत्रकार र कलाकारहरुको उपस्थिति रहेको थियो ।
राष्ट्रिय गानबाट थालनि गरिएको कार्यक्रममा सांस्कृतिक नृत्य तथा शुभकामना मन्तव्य व्यक्त गरिएको थियो । कार्यक्रमको अवसरमा पर्वत सेवा समाज युएईबाट अभियान चलाएको भूकम्प पीडित राहत संकलन कोषमा सहयोग गर्ने र स्थापनाकालदेखि समाजलाई सहयोग दिनेहरुलाई खादा तथा सम्मान–पत्र दिएर सम्मानित गरेका छन् ।