कांग्रेस प्रबक्ता शर्मा पोर्चुगलमा

जनसम्पर्कको सभालाई सम्बोधन गर्ने, प्रशिक्षण दिने कार्यक्रम तय

भरत प्रधान, प्रकाशित मिति : २०७६ श्रावण २७ सोमबार

लिस्बन । नेपाली कांग्रेसका प्रबक्ता बिश्वप्रकाश शर्मा पोर्चुगल आइपुगेका छन्। नेपाली जनसम्पर्क समिति साईप्रसको कार्यक्रममा सहभागी भई नेता शर्मा आईतबार राती पोर्चुगल आइपुगेका हुन् । 

नेता शर्मालाई लिस्बनस्थित अन्तराष्ट्रिय बिमानस्थलमा स्वागत गर्न नेपाली जनसम्पर्क समिति पोर्चुगलका अध्यक्ष बिनोद घिमिरे, पूर्व अध्यक्ष लक्ष्मीप्रसाद सापकोटा, महासमिति सदस्य चिजकुमार तामाङ लगायतका कांग्रेस नेता तथा कार्यकर्ता पुगेका थिए । 

नेता शर्माले सोमबार लिस्बनमा हुने नेपाली जनसम्पर्क समिति पोर्चुगलको १० औं बार्षिक साधारण सभालाई सम्बोधन गर्ने कार्यक्रम रहेको छ। 

मंगलबार पार्टीको वर्तमान अवस्था, पार्टीको आगामी नीति तथा भूमिका र नेपालको समृद्धिमा प्रवासी नेपालीको भूमिका लगायतका बिषयमा यहां रहेका कांग्रेस नेता तथा कार्यकर्तालाई प्रशिक्षण दिने कार्यक्रम छ । 

तीन दिने पोर्चुगल बसाईपछि शर्मा जनसम्पर्क समिति डेनमार्कले आयोजना गर्ने कार्यक्रमलाई सम्बोधन गर्न त्यसतर्फ प्रस्थान गर्ने कार्यक्रम रहेको छ । 

कार्यक्रममा सहभागी हुन प्रबक्ता शर्मा सहित नेपाल तरुण दलका महासचिव भुपेन्द्रजंग शाही पनि आईतबार नै पोर्चुगल आइपुगेका छ्न्।

ईआइसिटी नेपाल प्रालिद्धारा संचालित हाम्राकुरा डटकममा प्रकाशित कुनै पनि सामाग्री ईआइसिटी नेपालको पूर्व जानकारी विना हुवहु एवं आंशिक रुपमा समेत कपी गरि प्रकाशन गर्नु दण्डनीय छ। यस किसिमका कार्य गर्ने उपर ईआइसिटी नेपाल कानुनी उपचार खोज्न बाध्य हुने भएकाले सम्बन्धित सवैलाई सचेत हुन जानकारी गराइन्छ।

नयाँ