-
-
-
-
बुटवल । रुपन्देहीको सैनामैनामा सर्पको टोकाईबाट एक जनाको मृत्यु भएको छ ।
वडा न.१० पानबारी निवासी वर्ष ५० की सुकमाया रेश्मी मगरको मृत्यु भएको वडा सदस्य चन्द्रबहादुर थापाले जानकारी दिए ।
सोमबार विहान दाँत माँझ्दै घरको छेउँमा हिँडेकी सुकमायालाई एक्कासी खुट्टाको औँलामा विषालु सर्पले डसेको हो ।
गम्भीर घाइते अवस्थामा रहेकी उनलाई बुटवलको लुम्बिनी प्रादेशिक अस्पताल उपचारका लागि पठाउँदा अस्पतालले मृत्यु भएको घोषणा गरेको थियो ।
अधिक गर्मी बढेसंगै सैनामैना लगायत अन्य ठाउँमा विषालु सर्पको बिगविबगी हुन थालेको छ ।
