एजेन्सी । बलिउड अभिनेत्री विपाशा बसु दुई पटक 'डिभोर्स' गरेका अभिनेता करण सिंह ग्रोभरसँग विवाह गर्ने भएकि छिन् । उनिहरु दुई प्रेम सम्बन्धमा रहेका थिए । करणको पहिलो विवाह अभिनेत्री श्रद्धा निगमसँग भएको थियो भने दोस्रो टिभि अभिनेत्री जेनिफर विंगेटसँग भएको थियो । करणको विपासासँग यो तेस्रो विवाह हो । करणकी आमा दिपा सिहंले उनीहरूको सम्बन्धलाई स्वीकृति दिएपछि उनीहरू विवाहतर्फ मोडिएका हुन्।
मिडया रिपोट्सका अनुसार उनीहरू यसै वर्षको अप्रिल ३० मा विवाह बन्धनमा बाँधिनेछन् । विवाहका लागि उनीहरूले मुम्बईको एक होटललाई चयन गरिसकेको पनि मिडया रिपोट्सले जनाएको छ । विवाहको चर्चाका बारेमा यो जोडीले औपचारिकरूपमा कुनै प्रतिक्रिया भने दिएको छैन्।
