टीभी होस्टले मलाइकालाई आँखा लगाएपछि रिसाए अर्जुन

प्रकाशित मिति : २०७६ श्रावण २८ मंगलबार

काठमाडौं । पछिल्लो समय भारतीय अभिनेता अर्जुन कपूर र मलाइका अरोडाको प्रेम सम्बन्धको चर्चा चुलिएको छ । दुवैजना एकसाथ घुम्ने र पार्टी गर्ने गरिरहेका छन् ।

मलाइका र अर्जुनको सम्बन्धको विषयमा कुरा गर्न धेरैले प्रयास गर्दा पनि गर्न सकिरहेका थिएनन्। तर, लामो समयपछि मलाइकाले अर्जुनको जन्मदिनमा आफ्नो मनको कुरा खोलेकी थिइन् ।

यससँगै उनीहरुको सम्बन्ध निकै गहिरो बन्दै गएको छ । यसको प्रमाणको रुपमा उनीहरुले सामाजिक सञ्जालमा शेयर गरेको भिडियोलाई लिन सकिन्छ । यस्तै भिडियोमा एक टीभी होस्टले मलाइकासँग गरेको फ्लर्टलाई अर्जुनले सहन सकेनन् । उनले तत्कालै प्रतिक्रिया दिँदै मलाइकाबाट टाढै बस्न चेतावनी दिए ।

अष्ट्रेलियाको मेलबर्नमा आयोजित एक फिल्म फेस्टिबलको कार्यक्रममा मलाइका र अर्जुन एकसाथ उपस्थित भएका थिए । शो होस्ट गरेका करन टैकरले मलाइकासँग पुगेर २० घण्टाको यात्रापछि पनि राम्री देखिनुको कारण सोधेका थिए । यस्तैमा अर्जुनले पछाडि बस्ने केटीसँग फ्लर्ट गर्न सुझाएका थिए ।
 
विश्वभरका मानिसले अर्जुन आफ्नो प्रेमको विषयमा कति गम्भीर छन् भन्ने कुरा पुष्टि भएको बताएका छन् । अर्जुनले मलाइकाको लागि सलमान खानसँग पनि झगडा गरिसकेका छन् ।

ईआइसिटी नेपाल प्रालिद्धारा संचालित हाम्राकुरा डटकममा प्रकाशित कुनै पनि सामाग्री ईआइसिटी नेपालको पूर्व जानकारी विना हुवहु एवं आंशिक रुपमा समेत कपी गरि प्रकाशन गर्नु दण्डनीय छ। यस किसिमका कार्य गर्ने उपर ईआइसिटी नेपाल कानुनी उपचार खोज्न बाध्य हुने भएकाले सम्बन्धित सवैलाई सचेत हुन जानकारी गराइन्छ।

नयाँ