काठमाडौं । भक्तपुरको लोकन्थलीमा सडक भासिँदा पाँच घर जोखिममा परेपछि सडक मर्मत सम्भारको काम भइरहेको छ । मध्यपुर थिमी नगरपालिका १ लोकन्थलीमा सडक भासिँदा चार घर उच्च र एक घर सामान्य जोखिममा परेको हो ।
माथिबाठ सडक भासिँदा एक घरको त पर्खालमै पहिरो पुगेको छ । सोमबार रातिको वर्षाले सडक भासिएको हो । अहिले सो क्षेत्रको आवागमन प्रभावित भएको छ ।
जोखिम नियनत्रणका लागि के गर्न सकिन्छ स्थनिय र सम्बन्धित निकाय मर्मत सम्भारका काम गरिरहेका छ्न ।
जनताको सेवाको लागि खानेपानीको ट्याङ्की निर्माण गर्ने क्रममा जमिन सतहमा असन्तुलन देखिनु र लगातारको पानी परेपछि पाँच घर पहिरोको जोखिममा परेको हो । तर स्थानियले जोखिम टारदिन र खानीपानी ट्याङकी बनाउन अनुरोध गरेका छन । ठेकेदार कम्पनीले मर्तम सम्भार गर्ने र बिवाद भन्दा नि समाधानको पाटाेमा एक हुनु पर्ने बताएका छन ।
वडा अध्यक्ष सुरज खड्काका अनुसार करिब ४० मिटर सडक भासिएको छ । गतसाल देखि नै उक्तस्थानमा २ फुट सडक भासिएको थियो । अहिले थप क्षति हुन नदिन सुरक्षाका उपाय अपनाइएको वडा अध्यक्ष खड्काले बताए ।
जोखिममा परेका पाँच घरमा प्रेम लामा, पूर्ण सापकोटा, कृष्ण थापा, भरत पौडेल र सन्तोष तामाङको रहेको छ ।
काठमाडौं उपत्यका खानेपानी लिमिटेडका प्रमुख मनिस ढुंङगेलका अनुसार त्याहा क्षति भएको सङरचना बनाउने काम भैरहेको र लागत स्टेमेट तयार भै रहेको छ । स्थानीय कै माग बमोजिम त्याहा खानेपानी ट्याङ्की निर्माण गरिएको हो । यद्यपि पानी झरी र पहिरोले दुख दिएपछि पहिलेको सङरचना र बाटोलाई अझ मजबुत बनाउन थालिएको छ । जसकारण स्थानियले पहिले जस्तै सडक नभत्किने बिश्वास लिएका छन ।
