- सुन चाँदी दर
- विनिमय दर
- नेपाली पात्रो
- राशिफल
काठमाडौं । इंगलिश प्रिमियर लिग फुटबल क्लब लिभरपुलका डिफेन्डर भिर्गिल भान डायक युएफा प्लेयर अफ दि इयर घोषित भएका छन् ।
स्पेनिश क्लब बार्सिलोनाका लियोनल मेस्सी र इटालियन क्लब युभेन्टसका क्रिष्टियानो रोनाल्डोलाई पछि पार्दै डायकले युरोपियन क्लब फुटबलमा गत सिजनका उत्कृष्ट खेलाडी घोषित हुँदै अवार्ड जितेका हुन् ।
बिहीबार राति मोनाकोमा डायकलाई प्लेयर अफ दि इयर अवार्ड प्रदान गरिएको हो ।
युएफाका सदस्यहरु, युरोपका प्रशिक्षकहरु र ५५ खेल पत्रकारको मतको आधारमा युएफाले डायकलाई अवार्ड दिएको हो । डायकले ३०५ अंक पाउँदा मेस्सीले २०७ र रोनाल्डोले ७४ अंक पाएका छन् ।
यो उपाधि पाउने पहिलो डच खेलाडी बनेका डिफेन्डर डायकले नेदरल्याण्डलाई युएफा नेसन्स कपको फाइनलमा पुर्याएका थिए भने लिभरपुललाई च्याम्पियन्स लिग दिलाएका थिए ।
डायकले डिफेन्डर अफ दि सिजन अवार्ड पनि जितेका छन् ।
महिलातर्फको प्लेयर अफ दि वुमेन्स अवार्ड इंग्ल्याण्डकी लुसी ब्रोन्जले जितिन् ।
मेस्सीले फरवार्ड अफ द सिजन जित्दा रोनाल्डो जिल्लिए ।