मेस्सी बिनाको बार्सिलोनाको लय गुम्यो, यस्तो छ शनिबारका खेलको परिणाम
फातीले राखे यस्तो कीर्तिमान
प्रकाशित २०७६ भदौ १५ आइतबार
324
Shares
काठमाडौं । स्पेनिश लिग ला लिगा फुटबलमा डिफेन्डिङ च्याम्पियन बार्सिलोनाले सही गति पकड्न सकेको छैन ।
लियोनल मेस्सी मैदान बाहिरै रहन परेपछि बार्सिलोनाले लय समात्न नसकेको हो । ला लिगाको पहिलो खेलमै हारबाट सिजन सुरु गरेको थियो ।
शनिबार रातिको खेलमा बार्सिलोना ओसासुनासँग २–२ गोलको बराबरीमा रोकिएको हो । ओसासुनाको मैदानमा भएको खेलमा अन्तिम १० मिनेट सम्हालिन नसक्दा बार्सिलोना बराबरीमा रोकिएको हो ।
बार्सिलोना खेलको सातौं मिनेटमा पछि परेको थियो । ओसासुनाका रोबर्टो टोरेसले गोल गर्दै घरेलु टोलीलाई सुरुवाती अग्रता दिलाएका थिए ।
दोस्रो हाफमा बार्सिलोना खेलमा फर्कियो । खेलको ५१ औं मिनेटमा यूवा खेलाडी अन्सु फातीले गोल गर्दै बार्सिलोनालाई खेलमा फर्काए ।
ओसासुनाविरुद्ध गोल गरेसँगै १६ वर्ष ३०४ दिनका फाती ला लिगामा बार्सिलोनाबाट सबैभन्दा कम उमेरमा गोल गर्ने खेलाडी बने ।
यस्तै ६४ औं मिनेटमा अर्थरले गोल गर्दै बार्सिलोनालाई २–१ को अग्रता दिलाए । तर खेलको ८१ औं मिनेटमा ओसासुनाका टोरेसले पेनाल्टीमा गोल गर्दै खेल २–२ को बराबरीमा ल्याएका थिए ।
शनिबार रातिका अन्य खेल
गेटाफे १–१ डेपोर्टिभो एलाभेस
लेभान्ते २–० रियाल भल्लाडोलिड
रियाल बेटिस २–१ लेगनेस
अंक तालिका
एथलेटिक बिलबाओ ३ खेलबाट ७ अंकसहित शीर्ष स्थानमा छ । सेभिल्ला ७ अंकसहित दोस्रो स्थानमै छ ।
लेभान्ते ६ अंकसहित तेस्रो स्थानमा छ । २ खेलबाट ६ अंकको एथलेटिको मड्रिड चौथो स्थानामा छ । ४ अंकबाट बार्सिलोना सातौं स्थानमा छ । २ खेलबाट ४ अंकको रियाल मड्रिड आठौं स्थानमा छ ।
