- सुन चाँदी दर
- विनिमय दर
- नेपाली पात्रो
- राशिफल
काठमाडौं । इटालियन सिरि ए फुटबलमा युभेन्ट्सले दुई अंक उपहार पाएको छ । खेलको इन्जुरी समयमा नापोलीका खेलाडी कालिदौ कोलीबालीले आत्मघाती गोल गरेपछि युभेन्ट्स विजयी भएको हो ।
खेलमा युभेन्ट्सले नापोलीमाथि ४–३ को रोमाञ्चक जित दर्ता गरेको हो । खेलको १६ औंं मिनेटमा ड्यानिलोले गोल गर्दै युभेन्ट्सलाई सुरुवाती अग्रता दिलाए ।
१९ औं मिनेटमा गोन्जालो हिग्युनले अग्रतालाई दोब्बर बनाए । ६२ औं मिनेटमा क्रिस्टियानो रोनाल्डोले युभेन्ट्सलाई ३–० को स्थितिमा पुर्याएका थिए ।
तर लगातार तीन गोल गर्दै नापोली खेलमा फर्कियो ।
६६ औं मिनेटमा कोस्टास मानोलसले नापोलीका लागि पहिलो गोल गरे । हिर्भिङ लोजानोले ६८ औ मिनेटमा गोल गर्दै खेललाई ३–२ को स्थितिमा पुर्राएका थिए ।
८१ औं मिनेटमा जियोवन्नी डी लोरेन्जोले गोल गर्दै खेल बराबरीमा ल्याएका थिए ।
शनिबारको अन्य खेलको नतिजा
एसी मिलान १–० ब्रेस्सिया
अंक तालिका
२ खेलबाट ६ अंकको डिफेन्डिङ च्याम्पियन युभेन्ट्स शीर्ष स्थानमा छ । बोलोग्ना ४ अंकसहित, इन्टरमिलान, लाजियो, एट्लान्टा, टोरिनो, युनिनेस्, एसी मिलान, नापोली र ब्रेस्सियाको समान ३–३ अंक छ ।