- सुन चाँदी दर
- विनिमय दर
- नेपाली पात्रो
- राशिफल
काठमाडौं । हनुमा विहारीले आकर्षक ब्याटिङ गरेपछि भारत वेष्ट इन्डिजविरुद्धको दोस्रो टेष्ट क्रिकेटमा फराकिलो जित नजिक पुगेको छ ।
विहारीले पहिलो इनिङमा सतक र दोस्रो इनिङमा अर्धसतक बनाएका छन् । भारतले ४१६ रन बनाउँदा विहारीले १११ रन बनाएका थिए भने दोस्रो इनिङमा ४ विकेटको नोक्सानीमा १६८ रन बनाएर इनिङ समाप्ति गर्दा विहारीले नटआउट रहँदै ५३ रन बनाए ।
वेष्ट इन्डिजले पहिलो इनिङमा ११७ रन बनाएको थियो । जसप्रित बुमराहले २७ रन दिएर ६ विकेट लिएका थिए ।
उनले ह्याट्रिकसहित ६ विकेट लिएका हुन् । त्यसैगरी रिसभ पन्तले पनि एउटा रेकर्ड बनाएका छन् ।
पन्तले ११ टेष्टमा ५० आउटको रेकर्ड बनाएका हुन् । मार्क बाउचर, जोनी बेयर स्ट्रो र टिम पाइनेले १० टेष्टमा यो उपलब्धि पाएका थिए ।
एडम गिलक्रिष्टले ११ खेलमा यो रेकर्ड बनाउँदा महेन्द्र सिंह धोनीले १५ खेलमा मात्र ५० आउट गरेका थिए ।
४६८ रनको विजयी लक्ष्य पाएको वेष्ट इन्डिजले तेस्रो दिनको समाप्तिसम्म २ विकेटको नोक्सानीमा ४५ रन बनाएको छ ।
किंगसटनमा जारी खेल विजयका लागि वेष्ट इन्डिजले अझै ४२३ रन बनाउनु पर्नेछ ।
पहिलो खेल सजिलै जितेको भारतले दोस्रो खेल पनि जितेर क्लिनस्वीप गर्न चाहन्छ ।