-
-
-
-
काठमाडौँ । नेपाल प्रहरीले काठमाडौँ महानगरपालिका–१६ माछापोखरीबाट दुई वटा पेस्तोलसहित सात जनालाई पक्राउ गरेको छ ।
महानगरीय प्रहरी परिसर काठमाडौँको टोलीले दुई वटा पेस्तोल लिएर हिँडिरहेका अवस्थामा शनिबार दिउँसो पक्राउ गरेको हो ।
महानगरीय प्रहरी परिसर काठमाडौँका प्रवक्ता, प्रहरी नायब उपरीक्षक होविन्द्र बोगटीले सात व्यक्तिलाई दुई वटा पेस्तोल र चार राउण्ड गोलीसहित पक्राउ गरिएको जानकारी दिए ।
“गुण्डागर्दीमा संलग्न रहेका उनीहरु पेस्तोल र गोलीसहित हिँडिरहेको अवस्थामा नियन्त्रणमा लिएका हौँ”, उनले भने ।
पक्राउ विषयमा थप अनुसन्धान भइरहेको प्रहरीले जनाएको छ । पक्राउ पर्नेको नाम खुलाइएको छैन ।
