एनसेलको करछली सदन देखि सडकसम्म उठाउँछौं : राप्रपा

प्रकाशित मिति : २०७६ भदौ २६ बिहिबार

काठमाडौं। एनसेल करछलीको बिषयमा राष्ट्रिय प्रजातन्त्र पार्टीको आज पदाधिकारी बैठकमा विस्तृत छलफल गरेको छ। नेपालको सवै भन्दा ठूलो भ्रष्टाचार प्रकरणका बिषयमा पार्टीले पूर्वगृह एवं कानूनमन्त्री निरञ्जन थापालाई विस्तृत अध्ययन गरी बैठकमा प्रस्तुति गर्न जिम्मेवारी दिएको थियो।

आज पदाधिकारी बैठकमा पार्टीका सल्लाहकार समितिका अध्यक्ष समेत रहेका निरञ्जन थापाले एनसेल करछली बिषयमा विस्तृत विवरण प्रस्तुत गरेको राप्रपा सहायक महामन्त्री राजाराम बर्तौलाले जानकारी दिए।

यस बिषयमा अत्यन्त गम्भिरताका साथ छलफल भएको “यो करिब ४० अरबको चलखेलको बिषय हो, यो सामान्य बिषय होइन, ब्रम्हलुटको बिरुद्धमा आवाज उठाउनु हाम्रो जिम्मेवारी र कर्तब्य हो। यस बिषयलाई राप्रपाले संसददेखि सडकसम्म लैजान्छ, संघर्ष गर्छौ ”भन्ने बैठकको निष्कर्ष रहेको बर्तौलाले बताए। कमल थापाको अध्यक्षतामा बसेको बैठकमा काठमाडौंमा रहेका पदाधिकारिको उपस्थिति रहेको थियो।

ईआइसिटी नेपाल प्रालिद्धारा संचालित हाम्राकुरा डटकममा प्रकाशित कुनै पनि सामाग्री ईआइसिटी नेपालको पूर्व जानकारी विना हुवहु एवं आंशिक रुपमा समेत कपी गरि प्रकाशन गर्नु दण्डनीय छ। यस किसिमका कार्य गर्ने उपर ईआइसिटी नेपाल कानुनी उपचार खोज्न बाध्य हुने भएकाले सम्बन्धित सवैलाई सचेत हुन जानकारी गराइन्छ।

नयाँ