गरिमा बैंकबाट खानेपानीलाई फिल्टर सहयोग

श्रीकृष्ण सिग्देल, प्रकाशित मिति : २०७६ भदौ ३० सोमबार

स्याङ्जा । बैंकहरु कमाउने मात्र होइन सामाजिक सहयोगमा पनि तल्लिन हुन्छन् भन्ने उदाहरण देखिन थालेको छ । यसको उदाहरण देखाउने बैंक हो गरिमा विकास बैंक । स्याङ्जाको वालिङबाट स्थापना भएको गरिमा विकास बैंक लिमिटेडले वालिङ साना शहरी खानेपानी तथा सरसफाई उपभोक्ता संस्थालाई फिल्टर सहयोग गरेर सामाजिक उदाहरण प्रस्तुत गरेको छ ।

बैंकले सामाजिक उत्तरदायित्व अन्तर्गत पाँच लाख बराबरको आर्थिक सहयोगबाट खानेपानी फिल्टर खरिद गरीएको हो । बैंकको ८३ औं शाखा वालिङ १३ झोलुङ्गेमा उद्घाटन गर्ने क्रममा बैंकले खानेपानीलाई फिल्टर सहयोग गरेको बैंकका प्रमुख कार्यकारी अधिकृत गोविन्द ढकालले बताए ।

वालिङ १० फूलबारीमा रहेको खानेपानी ट्याङ्कीमा हालै जडान गरिएको फिल्टरको उद्घाटन वालिङ नगर प्रमुख तथा बैंकका पुर्व अध्यक्ष समेत रहेका दिलिपप्रताप खांणले गरे । बैंकले पानी शुद्धीकरणका लागि फिल्टर सहयोग गरी वालिङबासी उपभोक्ताहरुलाई स्वच्छ र सफा पानी उपभोग गर्ने कार्यका लागि महत्वपूर्ण भूमिका खेलेको खाँणले बताए ।

बैंकले सामाजिक उत्तरदायित्व अन्तर्गत वालिङ साना शहरी खानेपानीलाई ब्यवस्थित गर्नका लागि खेलेको भूमिकाको खाँणले प्रशंसा गरे । बैंक कमाउमा मात्रै उद्त हुन्छन् भन्ने विषयलाई उदाहरण देखाएर सहयोगी भुमिका खेलेको चर्चा गर्दै अन्य बैंकले पनि यस्ता सहयोगी भावनाहरु अगाडी बढाउन आग्रह गरे । बैंकले वालिङबासीले प्रयोग गर्ने खानेपानीलाई अझै शुद्धता गर्न फिल्टर सहयोग गरेकोमा साना शहरीका अध्यक्ष विद्या श्रेष्ठले धन्यवाद व्यक्त गरेका थिए । आगामी दिनमा पनि बैंकबाट सहयोग हुने अपेक्षा श्रेष्ठको थियो ।

ईआइसिटी नेपाल प्रालिद्धारा संचालित हाम्राकुरा डटकममा प्रकाशित कुनै पनि सामाग्री ईआइसिटी नेपालको पूर्व जानकारी विना हुवहु एवं आंशिक रुपमा समेत कपी गरि प्रकाशन गर्नु दण्डनीय छ। यस किसिमका कार्य गर्ने उपर ईआइसिटी नेपाल कानुनी उपचार खोज्न बाध्य हुने भएकाले सम्बन्धित सवैलाई सचेत हुन जानकारी गराइन्छ।

नयाँ