इन्स्टाग्राममा पठाएको सन्देशकै भरमा सुष्मिताले गरिन् १६ बर्ष कान्छा रोहमानसँग प्रेम

प्रकाशित २०७६ भदौ ३० सोमबार

काठमाडौं । सुष्मिता सेन लामो समयदेखि रोहमान शालसँग सम्बन्धमा छिन् । दुबैले सार्वजनिक रूपमा आफ्नो सम्बन्ध स्वीकारेका छन्। ११ जनालाई डेट गरिसकेकी सुष्मिता अहिले भने आफूभन्दा १६ वर्ष कान्छा रोहमनसँग डेटमा छिन् । केही समय पहिला सुष्मिताको भाइ राजीव सेन र चारु आसोपाको विवाहमा यो जोडी एकसाथ देखिएका थिए।

४३ वर्षीया सुष्मिता सेन ठूलो पर्दाबाट टाढा छिन तर उनी सोशल मिडियामा धेरै सक्रिय छिन्। पछिल्लो समय मालदिम्समा छुट्टी मनाइरहेकी सुष्मिताले प्रेमी रोहमान शालसँगका तस्विरहरू शेयर गरेकी छन्। प्रशंसकहरूले सुष्मिताको यी तस्विरहरु मनपराइरहेका छन्।

अर्को तस्वीरमा सुष्मिता रोहमानको काखमा पल्टिरहेकी छिन्। दुबै एक डुङ्गामासँगै देखिन्छन्। सुष्मिताले चम्किलो सेतो शर्ट लगाएकी छन् । रोहमानले सेतो टी-शर्टको लगाएका छन् । यो तस्वीर शेयर गर्दा सुष्मिताले मुटुको एक इमोजी शेयर गरेकी छन् ।

सुष्मितासँगै दुबै छोरी रेने र अलिशा पनि छुट्टीको मजा लिइरहेका छन्। विगत केही दिनदेखि सुष्मिताले माल्दिभ्सका धेरै तस्विर शेयर गरिसकेकी छन्। सुष्मिताले आफ्ना अन्य प्रशंसकहरूसँग अर्को भिडियो पनि शेयर गरिन् जसमा उनी समुन्द्रको किनारामा नाचिरहेकी थिइन्।

हालसालै एउटा खबरमा सुष्मिता सेन र उनको प्रेमीको बिचमा ब्रेकअप भएको समाचार फैलिएको थियो । यसपछि, सुष्मिताले रोहमानसँग केहि तस्वीरहरू शेयर गरेर सो समाचार गलत साबित गरिन्। सुष्मिता सेनले आफ्नो र रोहमनको फोटो पोस्ट गर्दै ‘आई लभ यू’ लेखेकी थिइन् । यसअघि रोहमनले पनि एक पोस्ट गर्दै उनीहरुको बीचमा कुनै झगडा नभएको बताएका थिए ।

सुष्मिता र रोहमानबीच १६ बर्षको उमेर फरक छ। सुष्मिताले एक प्रेम अन्तर्वार्तामा उनको प्रेमकथा बताएकी थिइन् । सुष्मिता भन्छिन्, 'रोहमानले उनलाई इन्स्टाग्राममा एक प्रशंसक जस्तो व्यक्तिगत सन्देश पठाएका थिए।' यसपछि, ती दुबैको प्रेम कहानी शुरू भयो।