सभामुखले भूमिका नखेल्दा प्रतिनिधि सभा बैठक अन्योलमा

प्रकाशित मिति : २०७६ असोज १ बुधबार

काठमाडौं। सत्तारुढ दल नेपाल कम्युनिष्ट पार्टी (नेकपा) र प्रमुख प्रतिपक्षी दल नेपाली काँग्रेस सहमत हुने हो भने बुधबार दिउँसो डाकिएको प्रतिनिधिसभाको बैठकले निरन्तरता पाउने छ । गत सोमबार सभामुख कृष्णबहादुर महराले बैठक बुधबार दिउँसो १ बजेसम्मका लागि बैठक स्थगित गरेका थिए । 

कांग्रेसले सोमबारसम्म बाँके प्रकरणलाई लिएर निरन्तर संसद अवरोध गरिरहेको थियो । बाँकेको घटनालाई लिएर कांग्रेसले खजुरा १ का वडा अध्यक्ष सुमन मल्ल बिरुद्ध जाहेरी दर्ता भएपछि बैठक संचालन भएको थियो । 

नेपाली कांग्रेससँगको सहमतिपछि चालु भएको बैठक नेकपाका सांसद नन्दलाल रोकाले आपत्ति जनाएपछि पुनः अवरोध भएको थियो।

सांसद रोकाले आफुहरु आन्दोलन गर्न समेत तयार रहेको जनाउँदै वडाअध्यक्ष मल्ललाई कारवाही गर्न नपाउने र घटना अनुसन्धान गर्न समिति बनाउन माग गरेका थिए । 

मल्ललाई कारवाही गर्न नपाउने भनेपछि कांग्रेसले रोस्टम घेरेर नारावाजी गरेको थियो। त्यसपछि अवरुद्ध बैठक फेरि चालु हुनेमा आशंका छ । 

सभामुख महराले मंगलबारको सट्टा बुधबार बैठक डाके । उनको इच्छाले यो बैठक बुधबार सारिएको बुझिएको छ । उनलाई मंगलबार कपिलवस्तुको कार्यक्रममा जानुपर्ने भएकाले उनले जानीजानी बैठक सारेको संसद स्रोत बताउँछ । 

मंगलबार बैठक नगर्नुको मतलब बुधबारदेखि बैठक चालु गर्नका लागि मंगलबार दलका नेताहरु बोलाएर समस्याको समाधान गर्नुपर्ने थियो । तर महराले कांग्रेस र नेकपाका नेतालाई बोलाएर यसको समाधानको बाटो खोजेनन् । 

कांग्रेसको जागरण सभालाई संवोधन गर्ने क्रममा बाँकेका नेताहरुलाई आक्रमण गर्ने नेकपाका कार्यकर्तालाई कार्वाही गर्नतर्फ नेकपाले पनि रुची देखाएन । यसको मतलव नेकपाको नेतृत्वले काँग्रेसको विरोधलाई दवाउन चाहन्छ । 

दिनानुदिन बैठक अवरुद्ध हुँदासमेत सभामुख रमिते बनेका छन् । यसअघि पनि रमिते बन्नुका साथै अहिलेसम्म अहम् भूमिका खेल्न नसकेका सभामुख महरा यसपटक फेरि नेकपाका नेताहरुको चंगुलमा फसेको आरोप लागेको छ । 

मुद्दा दर्ता भइसकेपछि त्यसको फैसला अदालतले गर्छ । तर नेकपाका सांसद रोकाले बोलेको कुरालाई महराले समर्थन गर्नु निकै दुर्भाग्यको विषय भएको विष्लेषण गरिएको छ । होइन भने उनले यसरी आन्दोलन गर्छौंं भनेपछि यसलार्य रोक्न सक्नुपर्दथ्यो । 

न त संसदमा सांसदहरुले धैर्य राख्न सकेका छन् न त सभामुखले प्रभावकारी भूमिका खेल्न सक्दछन् । यही अवस्थामा संसदको अवरोध जारी रहनेमा आशंका छैन । 

ईआइसिटी नेपाल प्रालिद्धारा संचालित हाम्राकुरा डटकममा प्रकाशित कुनै पनि सामाग्री ईआइसिटी नेपालको पूर्व जानकारी विना हुवहु एवं आंशिक रुपमा समेत कपी गरि प्रकाशन गर्नु दण्डनीय छ। यस किसिमका कार्य गर्ने उपर ईआइसिटी नेपाल कानुनी उपचार खोज्न बाध्य हुने भएकाले सम्बन्धित सवैलाई सचेत हुन जानकारी गराइन्छ।

नयाँ