काठमाडौं। टि-२० विश्वकपको फाईनलमा पराजित ईङल्याण्ड टोलीका खेलाडी बेन स्टोक्सले सबै समर्थक र प्रशंसकहरुलाई धन्यवाद दिएका छन्। अन्तिम ओभरमा वेष्टईण्डिजलाई जीतकालागि ६ बलमा १९को आवश्यकता भएको बेला स्टोक्स बलिङकालागि आएका थिए। उनलाई कार्लोस ब्राथवेटले लगातार पहिलो चार बलमा ४ छक्का प्रहार गर्दै आफ्नो टोलीलाई जीत दिलाएका थिए।
स्टोक्सले ट्विट गर्दै भनेका छन् ; ' निराशाजनक अन्तिम ओभरका वावजुद सबैको समर्थनले खुशी लागेको छ ..... मेरो देशकालागि प्रतिनिधित्व गर्न पाउँदा गौरवान्वित भएको छु' ' वेष्टईन्डिजलाई विश्वकप फाईनल जितेकोमा बधाई....सबै समर्थकहरुलाई धन्यवाद'।
विश्वकप फाईनलको अन्तिम ओभरमा लगाार ४ छक्का अतिनै दुर्लभ मानिन्छ। रन पच्छ्याईरहेको बेला जीतकालागि त्यस्तो ब्याटीङ सायदै देख्न पाईन्छ। वेष्टईणडिजका ब्राथवेटले अचम्मै गरेका हुन्, क्रिकेट विश्लेषकहरुको भनाई रहेको छ।
