रुकुम । आगलागीका कारण घरवास विहिन भएका रुकुम खारा -९ का सम्झना केसीको परिवारलाई रुकुमेली समाज विकास केन्द्र रुकुमले ३४ हजार ८ सय रुपैँया राहत स्वरुप प्रदान गरेको छ । चैत्र १५ आगलागीबाट घरका राखिएका नगद, खाद्यान्न, लत्ताकपडा, भाँडाकुडा लगायतका सामग्रीहरु जलेरको परिवारलाई विभिन्न साझेदार संस्थाको सहयोग राहद वितरण भएको हो ।
आगलागीबाट केसीको घर, खाद्यान्न लगायत गरी ५ लाख बरावरको धनसम्पती जलेपछी संस्थाको सक्रियतामा विभिन्न साझेदार संस्थाको सहकार्यमा पीडित परिवारलाई राहत हस्तान्तरण गरिएको रुकुमेली समाज विकास केन्द्र रुकुमका अध्यक्ष नर बहादुर नेपाली बताए ।
राहत रकम हस्तान्तरण कार्यक्रम बोल्दै अध्यक्ष नेपालीले पीडितलाई राहतका लागि सक्दो सहयोग गर्ने प्रतिवद्धता समेत व्यक्त गरे ।
रुकुममेली समाज विकास केन्द्रले हाल जिल्लाका सबै गाविसहरुमा विभिन्न कार्यक्रम गरेर समाज परिवर्तन सहयोग गरिरहेको छ । जिल्ला स्वास्थ्य, शिक्षा सरसफाइ, बालविवाह, विपत पोषण युवा स्वरोजगार जस्ता क्षेत्रबाट समाज परिर्वतनमा महत्पूर्ण कार्य गरिरहेको छ ।
