फिदिममा राष्ट्रिय स्तरको प्रतियोगिता हुने खेलमैदानको पर्खाल भत्कियो

जितेन्द्र भण्डारी, प्रकाशित मिति : २०७६ असोज १४ मंगलबार

पाँचथर । राष्ट्रिय स्तरको प्रतियोगिता हुने पाँचथरको सदरमुकाम फिदिममा अवस्थित  फिदिम माविको खेलमैदानको पर्खाल भत्किएको छ ।  फिदिम स्पोटिङ क्लवले तत्कालिन जिविस पाँचथर लगायत विभिन्न संघ संस्था बाट जुटाएर बनाएको उक्त पर्खाल भत्किएको हो ।

कमजोर वाल,पर्खाल माथिको पिलरको वढि चाप,र निरन्तरको वर्षादका कारण भत्किएको हुन सक्ने जिल्ला फुटवल संघ पाँचथरका अध्यक्ष सुजन नेम्बाङले बताए। यसअघि गत साउन ५ गते भत्किएको पर्खाल पनि अहिले सम्म निर्माण हुन सकेको छैन् ।

 अव दशैँपछि लगत्तै डिपीआर गर्ने र विनियोजित संघिय सरकारको १ करोडको लगानीमा पिलर लगाएर पर्खाल निर्माण गरिने अध्यक्ष नेम्बाङले बताए। अहिले यहिँ खेलमैदानमा फाल्गुनन्द तथा पाँचथर गोल्डकप लगायत राष्ट्रिय स्तरका प्रतियोगिता हुने गर्दछ ।

यसअघि प्रदेश सरकारको ५० लाखको लगानीमा खेलमैदानमा दुवो लगाउने,माथिल्लो पट्टि प्याराफिट निर्माण र शौचालय मर्मत सम्भार गरिएको थियो ।

ईआइसिटी नेपाल प्रालिद्धारा संचालित हाम्राकुरा डटकममा प्रकाशित कुनै पनि सामाग्री ईआइसिटी नेपालको पूर्व जानकारी विना हुवहु एवं आंशिक रुपमा समेत कपी गरि प्रकाशन गर्नु दण्डनीय छ। यस किसिमका कार्य गर्ने उपर ईआइसिटी नेपाल कानुनी उपचार खोज्न बाध्य हुने भएकाले सम्बन्धित सवैलाई सचेत हुन जानकारी गराइन्छ।

नयाँ