सन्दीप र सोमपालको विकेटले पनि जितेन नेपालले जिम्बावेलाई

प्रकाशित मिति : २०७६ असोज १४ मंगलबार

काठमाडौं । सिंगापुरमा भइरहेको त्रिकोणात्मक टी–२० क्रिकेट सिरिजमा नेपाल जिम्बावेसंग फेरि पराजित भएको छ । पहिलो खेलमा ५ विकेटको पराजित भएको नेपाल दोस्रो खेलमा मंगलबार ४० रनले पराजित भयो । 

ईन्डियन एसोसियसन मैदानमा जिम्बावेले दिएको १६१ रनको लक्ष्य पछ्याएको नेपालले २० ओभरमा ९ विकेटको नोक्सानीमा १२० रन मात्र बनाउन सक्यो ।

नेपालका लागि विनोद भण्डारीले सर्वाधिक ३३, आरिफ शेखले २५ र करण केसीले १८ रन जोडे । जिम्बावेका सेन विलियम्सले ३ तथा टिनोटेण्डा मुटोमबोड्जीले २ विकेट लिए । 

यसअघि टस हारेर पहिले ब्याटिङ गरेको जिम्बावेले २० ओभरमा ६ विकेटको नोक्सानीमा १६० रन बनाएको थियो ।

कप्तान सेन विलियम्सले ३५ बलमा ४ चौका र ३ छक्काको मद्धतले ५३ रन बनाए । 

सन्दीप लामिछाने र सोमपाल कामीले सुरुवातमै विकेट लिदै जिम्बावेलाई दबाबमा राखे जिम्बावे अगाडि बढ्यो । सन्दीप र सोमपालले समान २–२ विकेट लिए । पारस खड्काले १ विकेट लिए ।

यो जितसँगै जिम्बावे सिरिजको अंक तालिकाको शीर्ष स्थानमा पुगेको छ । जिम्बावेले ३ खेलमा ४ अंक जोडेको छ । 

३ खेलमा २ अंक जोडेको नेपाल दोस्रो स्थानमा छ । नेपालले सिंगापुरसँग बुधबार अन्तिम खेल खेल्नेछ । यस्तै जिम्बावेले अन्तिम खेलमा बिहीबार सिंगापुरको सामना गर्नेछ ।

शीर्ष दुई टिमले फाइनल खेल्नेछन् । 

ईआइसिटी नेपाल प्रालिद्धारा संचालित हाम्राकुरा डटकममा प्रकाशित कुनै पनि सामाग्री ईआइसिटी नेपालको पूर्व जानकारी विना हुवहु एवं आंशिक रुपमा समेत कपी गरि प्रकाशन गर्नु दण्डनीय छ। यस किसिमका कार्य गर्ने उपर ईआइसिटी नेपाल कानुनी उपचार खोज्न बाध्य हुने भएकाले सम्बन्धित सवैलाई सचेत हुन जानकारी गराइन्छ।

नयाँ