नेपालकी बालिका मुस्कान खातुनलाई अमिताभको सान्तवना

प्रकाशित मिति : २०७६ असोज १५ बुधबार

काठमाडौं । एसिड प्रहारबाट घाइते भएकी छात्रा मुस्कान खातुनलाई बलिउड अभिनेता अमिताभ बच्चनले स्वास्थ्य लाभको कामना गरेका छन् ।  अमिताभले बुधबार भिडियो सन्देश पठाउदै स्वास्थ्य लाभको कामना गरेका हुन्  ।

 कीर्तिपुरस्थित नेपाल क्लेफ्ट एन्ड बर्न सेन्टरमा उपचार गराइरहेकी खातुनलाई सान्तवना सन्देशमा अमिताभले बहादुर बालिका भनेका छन् ।  उनले सन्देशमा भनेका छन् ,'मलाई तपाईको बिषयमा उज्जवल थापाले बताउनुभयो । उज्जवल र म एकै कलेजमा पढेका हौ । उहाँले तपाईसँग के भयो त्यो भन्नुभयो । जे भयो त्यो दर्दनाक भयो । त्यो सुनेर मलाई दुख लाग्यो । मुस्कार शब्दको अर्थ मुस्कुराउनु हुन्छ । तपाई चाडो भन्दा चाडौ निको हुनुहोस । तपाईसँग जे भयो  गलत भएको छ ।'   

उनले आइन्दा कोही बालिकामाथि त्यस्तो नहोस भन्ने कामना गरेका छन् । उनले नेपालको कानुनअनुसार दोषीलाई पक्राउ गरेर कारबाही हुने अपेक्षा गरेका छन् । भदौ २० गते  विद्यालय जाँदै गर्दा मुस्कानमाथि दुई जना युवकले वीरगन्जको गणेशमान चौमामा एसिड प्रहार गरेका थिए ।

त्रिभुवन माध्यमिक विद्यालयमा अध्यनरत बर्ष १५ बर्षिय खातुनथि एसिड प्रहार गरेको अभियोगमा  सोही दिन वडा नं २ निवासी समसाद मियाँ र बाराको फेटाफुलवरीया घर भई हाल छपकैयामा बस्दै आएका मजिद आलमलाई पक्राउ गरेको थियो ।

मुस्कान को लागि श्री अमिताभ बच्चन को सन्देश। pic.twitter.com/bgTnLb7MRc

— Ujjwal Bikram Thapa (@UjjwalBikram) October 2, 2019

 

ईआइसिटी नेपाल प्रालिद्धारा संचालित हाम्राकुरा डटकममा प्रकाशित कुनै पनि सामाग्री ईआइसिटी नेपालको पूर्व जानकारी विना हुवहु एवं आंशिक रुपमा समेत कपी गरि प्रकाशन गर्नु दण्डनीय छ। यस किसिमका कार्य गर्ने उपर ईआइसिटी नेपाल कानुनी उपचार खोज्न बाध्य हुने भएकाले सम्बन्धित सवैलाई सचेत हुन जानकारी गराइन्छ।

नयाँ